Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Investigim

Këngëtarja e njohur: Ndërtuesi nuk më jep pronën që bleva para 7 vitesh! Fiksi-Fare i zgjidh problemin

E Martë 29 Nëntor 2022, 21:14 Gazeta Shqip

Këngëtarja e njohur: Ndërtuesi nuk më jep pronën

Këngëtarja e njohur Shpresa Gashi kërkoi ndihmën e Fiksit për një problem pronësie në qytetin e Sarandës.

Ajo tregoi në emisionin investigativ se ka blerë një apartament para 7-8 vitesh dhe nuk po e gëzon atë, pasi sipas saj ndërtuesi është penduar që e ka shitur dhe kërkon t’i kthejë paratë. Ndërkohë edhe pse e ka blerë apartamentin ai figuron akoma në emër të ndërtuesit tregon znj.Shpresa.

“Pasi qëndrova 3 muaj në apartament, u largova për në Prishtinë, kur u ktheva pas 1 viti e gjeta të boshatisur apartamentin”– thotë Shpresa . Madje kjo e fundit fajëson ndërtuesin për këtë gjë.

“Dua vetëm të gëzoj pronën time” thotë këngëtarja për gazetarët e Fiksit. Këta të fundit, pas intervistës u interesuan në Drejtorinë e Përgjithshme të Kadastrës e cila  autorizoi Agjencinë Shtetërore të Kadastrës Sarandë për një përgjigje të detajuar.

ASHK-ja Sarandë në një përgjigje zyrtare për Fiksin  sqaroi se zonja Shpresa Gashi duhet të paraqitet në Kadastër dhe të bëj aplikim, në mënyrë që të bëhet pronare e apartamentit. Aplikimi duhet të bëhet online me të dhënat që ka kontrata me ndërtuesin.

Për këtë gazetarët e Fiksit komunikojnë  edhe me ndërtuesin, i cili sqaroi se ka vetëm një kontratë porosie me këngëtaren ndaj dhe dokumentet janë në emër të tij në Agjencinë Shtetërore të Kadastrës.

Në bisedë me gazetarët ai thotë se apartamenti është i këngëtares dhe që nesër mund të shkojë të bëjë dhe dokumentet në emër të saj.

Kështu këngëtarja Gashi pas 7 vitesh zgjidh problemin e pronës në Sarandë me anë të ndihmës së Fiks Fare.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore