Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Investigim

Inside Story/ U dështuan sulmet terroriste, forcat QODS u hakmorrën në sulmet kibernetike

Inside Story/ U dështuan sulmet terroriste, forcat QODS u hakmorrën

Lufta hibride nga strukturat inteligjente të Iranit kulmoi me goditjen ndaj sistemeve kompjuterike shqiptare.

Dosjet sekrete të siguruara nga Inside Story zbulojnë se goditjet në rrafshin virtual kanë pasuar tentativat për sulme terroriste ndaj organizatës MEK dhe objektivave të tjerë.

Në 23 mars të vitit 2018 një sulm terrorist ishte planifikuar të kryhej në vendin tonë ndaj funksionareve të MEK ose vendbanimeve kolektive të tyre siç Kompleksi Vitrinat apo Kampi i MEK që po ndërtohej në Manëz. Goditja ishte planifikuar me rastin e festimeve për “Sulltan Novruzin”, që festohet dhe nga organizata MEK.

Referuar dosjes hetimore që Inside Story disponon, janë siguruar të dhëna që lidhnin Gardën Revolucionare të Iranit me planet konkrete për sulme ndaj muxhahedinëve.

Personi i parë i dyshuar ishte shtetasi iranian Abdolkhalegh Malek Zadeh, për të cilin Antiterrori dhe strukturat inteligjente shqiptare dispononin të dhëna të hershme. Ai ishte pikë e rëndësishme lidhje me Gardën Revolucionare Iraniane e njohur ndryshe si forca forca QODS.

Ky shtetas kishte udhëtuar në Shqipëri për përgatitjen e terrenit për të goditur në Mars të vitit 2018.
Sipas informacioneve në dosje, ishin vënë nën survejim disa personazhe misteriozë që kishin mbërritur në Shqipëri pak më herët. Fjala ishte për disa shtetas që flisnin Turqisht të cilët kishin hyrë në territorin shqiptar në Janar 2018.

Pas mbërritje së tyre në Tiranë, ata dyshohet se kanë informuar Malek Zadeh për vendndodhjet e tyre dhe se po kryejnë detyrën e ngarkuar dhe më pas dyshohet se Malek Zadeh këtë mesazh ja ka transmetuar dhe forcave QODS”.

Ata kishin kontakte me iranianin Zadeh, i konsideruar pikë kyçe lidhjeje me Gardën Revolucionare të regjimit iranian. Këta individë u vunë nën survejim pasi dyshohet se janë sjellë aso kohe në vendin tonë me qëllime të dyshimta ndaj organizatës së muaxhahedinëve.

Referuar raporteve të përgjimit, këta persona e thërrasin pikën e tyre të kontaktit Abdolkhalegh Malek Zadeh, me pseudonimin “Vëlla Ferhati”.

Në këto biseda të përgjuara, personat që flasin gjuhën turke janë shprehur se janë në Tiranë për të kryer punën e djalit të Haji-ut, Peyman-it”. Kjo shprehje dyshohet të jetë e koduar dhe mund të bëhet fjalë për planifikimin e një sulmi terrorist nga ana e forcave iraniane Kuds ndaj opozitës në ekzil që është strehuar në Shqipëri.

“Përshëndetje vëlla Ferhat. Kam dy ditë në Tiranë. Do ta kryejmë punën e djalit të Haji-ut, Peyman-it. Ne po lëvizim në drejtimin që na keni dhënë ju. Po pres lajme prej teje vëlla. Vëlla Hafiz, vëlla Ferhat dhe ky mesazh është për djalin e Haji-t, Peyman-in. Paqja qoftë me ju. Jemi katër veta që kemi ardhur këtu vëlla… me dy makina. Kemi këtu dy ditë dhe shokët e tjerë i kemi sistemuar në Hotel Tirana. Unë dhe shoku im jemi tek Plaza. Përshëndetje për ty!”

Malek Zadeh ka komunikuar në 17 Janar 2018 me pikën e tij të kontaktit në Iran që mendohet se është një zyrtar i lartë i forcave forcave QODS. Në këto biseda, ai raporton se 4 personat e dërguar prej tij kishin mbërritur në Shqipëri në 15 Janar dhe ishin akomoduar në një prej hoteleve më luksoz në qendër të Tiranës. Pra, fjala ishte për 4 shtetasit e dyshimtë që flisnin turqisht, dhe ishin vënë nën survejim nga Antiterrori.

“Sipas të dhënave, katër individët të cilët dyshohen se janë shtetas turq kanë qenë të ndarë në dy grupe dhe kanë komunikuar me Malek Zadeh”.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore