Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Investigim

Inside Story/ Tradhtarë brenda MEK, muxhahedinët që i shërbenin regjimit të Iranit

Inside Story/ Tradhtarë brenda MEK, muxhahedinët që i

Grupi i personave që flisnin turqisht kanë pasur mbështetje të gjerë në terren nga të tjerë persona me detyra të ndara qartazi. Përgjatë pranverës së vitit 2018 në Shqipëri janë futur edhe personazhe të tjerë që kanë pasur mision vëzhgimin e objektivave që do të eliminoheshin fizikisht.

“Në periudhën 16-18 Mars 2018, një shtetas austriak, i lindur në Iran, i quajtur Erwin ARAMI ka qenë në Shqipëri, duke punuar së bashku me disa individë të tjerë, me origjinë nga Irani, dyshohet për të kryer mbikëqyrje të fshehtë, “grup vëzhgimi” për interes të Forcave QODS, në drejtim të disa individëve dhe vendndodhjeve të organizatës MEK”.

Referuar të dhënave në dosjen hetimore, shtetasi austriak Erwin Aram, lindur më 13.07.1974 në Teheran, ka hyrë në territorin e Shqipërisë nga pika e kalimit kufitar në hanin e Hotit. Mendohet se identiteti i tij është Naghash Zadeh dhe me shumë e gjasa ka ndërruar emrin ligjërisht në Austri, duke e kthyer në ARAM në vitin 2016. Ky person është larguar nga Shqipëria më 18 mars 2018.

Grupi i vëzhgimit mendohet se përbëhej nga disa ish-anëtarë të organizatës MEK të cilët kanë kaluar në krahun e kundërt dhe janë vënë në shërbim të regjimit iranian. Këta persona kanë qenë në survejim të vazhdueshëm nga strukturat inteligjente shqiptare siç zbulohet në dosjen hetimore.

“Grupi i vëzhgimit” mendohet se ka qenë i përbërë nga ish-anëtarë të organizatës MEK: Mostafa Mohazabiyeh ZAREA, Gholareza KHANI, Ehsan BIDI, “EFTEKHARI”, Ali Zangi ABADI5 dhe Iraj. Mostafa Mohazabiyeh ZAREA, ish anëtar i organizatës MEK, i datëlindjes 01.10.1963, ose i datëlindjes 02.10.1963, lindur në Iran. Disponon leje qëndrimi gjermane, evidentuar nga ana jone në lidhje me shërbimet inteligjente iraniane.”

Sipas informacioneve të Antiterrorit, kishte indicie se, “grupi i vëzhgimit” kishte në vëmendje dy vendndodhje të MEK në Shqipëri, konkretisht kampi në Manzë, dhe vendi i akomodimit të tyre në Vaqarr.

“Shumë persona pyesin me të drejtë si mund ta sulmojnë këta Manzën, sa e mbrojtur është Manza, duhet thënë që Manza është një nga kampet më të mbrojtura në të gjithë Europën”, u shpreh profesori i kriminologjisë, Ervin Karamuço.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore