Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Zbulohet mjekimi që do të ndryshojë rrjedhën e Covid 19, rezultate të jashtëzakonshme me pacientët

E Hënë 20 Korrik 2020, 10:29 Gazeta Shqip

Zbulohet mjekimi që do të ndryshojë rrjedhën e Covid 19,

Rezultatet paraprake të testeve klinike të trajtimit të ri kundër Covid 19 janë befasuese: mjekimi e ka ulur në mënyrë drastike numrin e pacientëve të shtruar në terapi intensive sipas kompanisë britanike që e ka prodhuar.

Firma bioteknologjike me bazë në Sothhampton, Synairgen ka përdorur një proteine të quajtur interferon beta, të cilën trupi i njeriut e prodhon kundër preket nga një infeksion viral. Proteina thithet direkt në mushkëri nga pacientët me koronavirus përmes aerosolit dhe duket se stimulon tek ata një reagim imunitar.

Gjetjet fillestare tregojnë se trajtimi i ka reduktuar me 79% gjasat që të prekurit nga Covid, të sëmuren rëndë. Pacientët, të cilëve iu administrua mjekimi i ri kishin tre herë më shumë mundësi ta merrnin veten deri në pikën që sëmundja të mos i cënonte aktivitetet e tyre të përditshme, thotë firma prodhuese. Testet sipas saj, treguan gjithashtu se mjekimi i ri e reduktonte në mënyrë të ndjeshme vështirësinë në frymëmarrje që përjetojnë një pjesë e pacientëve. Në testimin e këtij ilaci morën pjesë 101 vullnetarë të shtruar me Covid në nëntë spitale britanike. Rezultatet e tij, sipas Synairgen, janë një hap i jashtëzakonshëm përpara sa i takon trajtimit të koronavirusit. Interferon beta është pjesë e linjës së parë mbrojtëse të trupit kundër virusit dhe e paralajmëron organizmin për sulmin viral, duke nxitur reagimin e tij. Koronavirusi duket se e suprimon prodhimin e interferon betës si pjesë e strategjisë së tij për të bllokuar sistemin imunitar.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore