Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Vizitat neurologjike, sistemi i referimit i dërgon në tetor, mjekët; Shtatori pa data

E Premte 11 Shtator 2020, 16:07 Gazeta Shqip

Vizitat neurologjike, sistemi i referimit i dërgon në tetor,

Pacientët që vuajnë nga sëmundjet neurologjike, nuk kanë asnjë mundësi të kryejnë vizitat te mjeku specialist neurolog në poliklinikat e specialiteteve gjatë muajit shtator.

Arsyeja? Nuk ka data të lira vizite. Një nga mjeket e familjes i konfirmoi Gazetës “Shqip” se data e parë e vizitës tek mjeku neurolog është 3 tetori. Para kësaj date sistemi i referencës nuk jep asnjë shans.

“Nuk e di çka ndodhur. Kemi pacientë kronikë që kanë nevojë për ekzaminime, konsulta me mjekun neurolog në spital por ata në rast urgjence duhet ti drejtohen shërbimit të urgjencës në spital. Për hir të së vërtetës në urgjencë jo çdo herë gjen mjekun specialist të fushës dhe mjekimi që rekomandohet aty  nuk është efikas”, thonë burimet për Gazeta “Shqip.

Por çfarë ndodh nëse një pacient kronik nuk ndiqet nga specialisti i fushës? Problemet e sëmundjes mund të agravojnë, mjekimi jo i saktë mund të rëndojë shëndetin e tij mendor duke e çuar deri në kriza që mund ti rrezikojnë madje dhe jetën.

Me gjithë vëmendjen që ka marrë pandemia e koronavirusit, të sëmurët kronikë duhet të ndjekin kalendarin e tyre të mjekimit i cili lidhet me ekzaminimet, konsultat dhe më pas trajtimi që në disa diagnoza pëson dhe ndryshim.

Por sistemi i referimit që prej kohësh është instaluar në shërbimin parësor, si forma e menaxhimit të konsultave dhe shmangien e radhëve të krijuara dikur në spital jo shumë herë funksionon.

Burime për “Shqip” thonë se dyshimet janë për mungesë të stafit i cili në këtë periudhë të nxehtë të pandemisë së koronavirusit është angazhuar në ekipet e stafeve mjekësore në dy spitalet Covid. Por ajo çfarë duhet të ndërhyhet urgjent është menaxhimi më i mirë i konsultave për pacientët kronikë të cilët rriskojnë jetën nëse u vonohet terapia e mjekimit.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore