Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

"Vetëm 5% krijojnë antitrupa", studimi i ri për koronavirusin: Imuniteti i tufës është i paarritshëm

"Vetëm 5% krijojnë antitrupa", studimi i ri për

Studimi spanjoll hedh poshtë teorinë e imunitetit të masës. Shkencëtarët kanë verifikuar se nga 61 mijë personat e testuar, vetëm 5% e tyre kishte krijuar antitrupa, thënë ndryshe mbrojtje kundër koronavirusit të ri.

Imuniteti i masës nuk mund të arrihet në rastin e Covid-19. Pohimi vjen nga studimi i shkallës së gjerë në Spanjë, që tregoi se vetëm 5% e popullatës kishte zhvilluar antitrupa. Revista mjekësore e njohur “The Lance”, që ka publikuar studimin, thekson se kjo përforcon provat që i ashtuquajturi imunitet i tufës është diçka e paarritshme për koronavirusin e ri.

Rezultati tregon se 95% e popullatës së Spanjës mbetet e prekshme nga virusi. Zakonisht, imuniteti i masës, arrihet vetëm kur pjesa më e madhe e popullatës është infektuar nga një virus ose të jetë vaksinuar kundër tij, në mënyrë që të ndalohet qarkullimi.

Qendra Europiane për Kontrollimin e Sëmundjeve tha për CNN se kërkuesit spanjollë morën kampionë nga 61 mijë pjesëmarrës në eksperiment, duke e bërë atë studimin më të madh për Covid-19 të organizuar nga shtetet Europiane.

Ka pasur kërkime të tilla në Kinë dhe Shtetet e Bashkuara të Amerikës, në të cilat rezultoi se shumica e popullatës kishte qëndruar e paekspozuar ndaj virusit edhe në zonat ku përhapja dhe qarkullimi i tij ishte në nivele tepër të larta.

Ndërkohë, ekspertët janë të pasigurt nëse krijimi i antitrupave do të thotë se dikush nuk mund të ri-infektohet sërish, pasi nuk dihet se për sa kohë mund ta mbrojnë njeriun nga virusi. 

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore