Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Të mbërthyer nga Covid/ QSUT sqaron për SHQIP: Operacionet dhe shërbimet që kryhen për pacientët  

E Enjte 23 Korrik 2020, 17:14 Gazeta Shqip

Të mbërthyer nga Covid/ QSUT sqaron për SHQIP: Operacionet dhe

Qendra spitalore "Nënë Tereza" në Tiranë prej disa muajsh ka ndezur motorët duke kthyer me kapacitet të plotë të gjitha shërbimet e saj shëndetësore, për shkak të kthimit të spitalit infektiv në spital "Covid" ku trajtohen të sëmurët e prekur nga koronavirusi.

Në kulmin e sezonit veror, kur si çdo vit barrën e urgjencave më të shpeshta e mbante spitali infektiv, sot sipas një strategjie të drejtuesve të QSUT, kjo barrë po mbahet nga vetë shërbimet.

Gazeta "Shqip" iu drejtua për informacion drejtorisë së QSUT e cila ka shpjeguar se puna vijon normalisht në të gjitha shërbimet e urgjencave të QSUNT, si tek Urgjenca  e Sëmundjeve të Brendshme, Urgjenca e Spitalit Infektiv, Urgjenca Pediatrike, Urgjenca e Spitalit Francez, Urgjenca e Djegie-Plastikës, Urgjenca e Psikiatrisë. Përjashtim bëjnë urgjencat kirurgjikale për sëmundjet malinje, të cilat sipas një urdhri të ministrisë së Shëndetësisë e datës 19 mars janë transferuar në spitalin e Traumës.

"Nisur nga fakti se Spitali Infektiv tashmë është kthyer në Spital Covid, sëmundjet e tjera Infektive  kryhen pranë Shërbimeve të QSUNT, kjo në bazë të specifikave të tyre si p.sh neuroinfeksionet pranë Shërbimit të Neuroshkencës, Hepatitet pranë Shërbimit të Gastrohepatologjisë etj", sqaron për "Shqip" drejtoria e QSUT-së.

Sipas këtij institucioni, pacientët e rretheve që kërkojnë trajtim në spital për rastet e urgjencave infektive, në dispozicion janë dhe spitalet rajonale, ndërsa konsultat ambulatore në shërbimin infektiv vijojnë punën rregullisht për pacientët kronikë sicc janë të sëmurët me HIV apo sëmundjet e tjera seksualisht të transmetueshme .

Urgjencat më të shumta këtë periudhë janë ato kardiovaskulare. Ndërkohë që janë shtyrë operacionet e planifikuara bazuar në urdhrin e MSHMS me nr. 147, me nr. 1375 prot, date 11.03.2020 për " Ndërprerjen e ndërhyrjeve Kirurgjikale te planifikuara në të gjitha strukturat spitalore publike dhe jopublike" në periudhën e masave  shtrënguese, në fillimet e epidemisë Covid-19.

"Urgjencat kirurgjikale i suporton  Spitali i Traumës ndërsa të gjitha ndërhyrjet e tjera të domosdoshme realizohen në QSUNT sipas planifikimit të Shërbimit të Kirurgjisë", thonë për "Shqip" burimet zyrtare nga drejtoria e QSUT-së.

©?Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore