Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Studimi për vaksinën, mjeku i njohur jep lajmin e mirë

Studimi për vaksinën, mjeku i njohur jep lajmin e mirë

“Çdo agim çel një ditë të re me shpresa të reja për një fillim të ri”. Citaur: Dr. Debasish Mridha. Tjetër lajm i mirë në kuadrin e vaksinave miqtë e mi!

Duke qenë se kërkesa botërore është tejet e lartë për vaksinën anti-SARS-CoV-2 dhe kompanitë aktuale nuk ia dalin dot t’i përgjigjen në kohë konkrete, çdo zhvillim i ri i vaksinave të tjera është shumë i mirëpritur.

Kërkuesit e vaksinës belge Ad26.COV2.S të kompanisë Johnson & Johnson, sapo kanë publikuar më datë 13 janar 2021 në New England Journal of Medicine gjetjet e tyre të fazës së parë dhe të dytë klinike.

Këto faza kryhen mbi numra të vegjël pacientësh dhe fokusohen mbi sigurinë dhe efikasitetin.
Studimi është i tipit multicentrik, me përzgjedhje rastësore, dyfish i verbër, me grup kontrolli të trajtuar me placebo, që duke u zhvilluar në dy grupmosha të ndryshme kërkon të vlerësojë sigurinë, reaktivitetin dhe imunogjenicitetin e vaksinës Ad26.COV2.S.

Si parim veprimi, kjo vaksinë i ngjason vaksinës së kompanisë AstraZeneca, pra përdor një vektor viral (adenovirus) me deficiencë replikimi (pra nuk shumohet dot), që përmban gjenin e proteinës spike të SARS-CoV-2.

Dy grupmoshat e ndryshme ishin përkatësisht mesatarisht 35.4 dhe 69.8 vjeç. Është e rëndësishme që çdo grupmoshë të studiohet më vete, në mënyrë që të jetë i qartë raporti siguri/efikasitet në secilën grupmoshë, pasi me logjikë efektet anësore janë më të ulëta në moshën e madhe, ku gjithashtu pritet edhe efikasiteti pak më i ulët.

Kjo ndodh sepse organizmi më i vjetër reagon më pak ndaj stimujve imunogjenikë duke topitur qoftë përgjigjen ndaj vaksinës qoftë ashpërsinë e efekteve anësore. Gjithashtu, u përdorën dy doza të ndryshme “e vogël” dhe “e madhe”, dhe është e natyrshme të presim më pak efekte anësore në grupin e trajtuar me dozën e vogël, por mbetet pyetja si do të jetë efikasiteti.

Gjetjet kryesore:

SIGURIA
Efektet anësore siç priteshin:

më të pakëta në grupin më të moshuar, dhe
më të pakëta në grupin që mori dozën “e vogël” të vaksinës.

Efektet anësore më të zakonshme ishin:
dhembje në vendin e injektimit,
lodhje,
dhembje koke,
dhembje muskujsh,
temperaturë.

Ndër eventet serioze, vetëm një rast u vlerësua i lidhur me vaksinimin dhe paraqiti temperaturë të lartë që pati nevojë për shtrim në spital brenda 12 orëve pas marrjes së vaksinës.

EFIKASITETI:
Titri neutralizues i antitrupave u gjet në:
>90% të individëve 29 ditë pas vaksinës së parë,
100% të individëve 57 ditë pas vaksinës.
Titri i antitrupave mbeti i qëndrueshëm pas 71 ditëve.
Doza e dytë e vaksinës e rriti 2.6-2.9 fish titrin e arritur nga doza e parë.
Përgjigja e limfociteve T CD4+ u vu re në ditën e 14-të në:
76%-83% të individëve të moshës së re, dhe
60%-67% të individëve të moshës së vjetër.
Përgjigja e limfociteve T CD8+ u vu re në ditën e 15-të në:
51%-64% të individëve të moshës së re, dhe
24%-36% të individëve të moshës së vjetër.

Konkluzioni i autorëve:
Vaksina Ad26.COV2.S ka një profil të pranueshëm sigurie dhe reaktogjeniciteti dhe ishte imunogjenike edhe pas një doze të vetme, qoftë kjo e ulët apo e lartë.
Këto rezultate i kanë rrugën kësaj vaksine të futet në fazën e tretë të studimeve klinike për të zbuluar efektivitetin në nivele grupesh studimi shumë më të mëdha.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore