Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Studentët në Presidencë me kërkesë për Metën: Mos e dekreto Rektorin e ri

Studentët në Presidencë me kërkesë për Metën:

Pas letrës së hapur drejtuar Presidentit, studentët i janë drejtuar edhe fizikisht presidencës  për zgjedhjet në Universitetin e Tiranës.

Përfaqësues të Qendresës Qytetare zhvilluan sot një takim me kabinetin e presidencës, ku kërkuan prej tyre që Kreu i Shtetit të mos dekretojë Rektorin e ri që do të dalë nga zgjedhjet e 30 korrikut.

Në përfundim të takimit përfaqësuesi ligjor i qëndresës qytetare, Marash Logu, u tha se përfaqësuesit e presidencës deklaruan  se çështja e Universitetit të Tiranës është në vëmendjen e tyre dhe se në kohën e duhur do të reagojnë dhe marrin një vendim.

"Patëm një takim me instuticionin e presidentit, u pritem nga kabinati i tij. Siç e keni ndjekur dhe ju, kemi ezauruar të gjitha rrugët institucionale duke iu drejtuar universiteteve tona, ministrisë, kuvendit, por edhe gjykatës administrative Tiranë. Pasi nuk arritëm të marrim asnjë zgjidhje përsa u përket zgjedhjeve, sot iu drejtuam presidentit duke i kërkuar që në përputhje me kompetencat e tij, si organi që dekreton rektorët e rinj të universiteteve, të dalë  me një qëndrim të qartë dhe të prerë se nuk mund të ketë zgjedhje që janë të paligjshme, zgjedhja të parregullta dhe që përjashtojnë studentët.

Zgjedhjet në Tiranë janë të parregullta, të paligjshme. I kërkuam presidentit që para dhe pas zgjedhjeve të ketë të qartë se cilat kanë qenë shkeljet ligjore të këtij procesi që të kemi një vendimarrje të drejtë. Presidenti tha se çështja do të ketë të gjithë vëmendjen e tij dhe ne mbetemi të bindur se instuttucioni i presidentit do të marrë një vendim të drejtë", u shpreh Logu.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore