Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Stigma po frenon luftën kundër Covid-19, të infektuarit frikë nga paragjykimet

Stigma po frenon luftën kundër Covid-19, të infektuarit

Stigma dhe frika prej sëmundjeve ngjitëse pengojnë reagimin ndaj tyre, ndaljen e përhapjes së virusit dhe shërimin në kohë të pacientëve. Kjo është ajo që po rezulton së fundmi në Shqipëri ku të infektuarit po tregohen me gisht, po stigmatizohen duke i bërë ata jo vetëm ta fshehin virusin që mbartin, por edhe të reagojnë me vonesë.

Që në krye të herës, OKB-ja u është drejtuar me një apel të gjitha vendeve që po luftojnë me Covid-19. Dhe jo më kot! Frika nga virusi po bën që njerëzit të tregojnë edhe anë që nuk ua kemi njohur.

Sikur të mos mjaftonin paragjykimet e gjithëllojshme që kemi si popull, duket se Covid-19 po krijon vërtet një distancim social, por kësaj radhe në formën e stigmatizimit.

Psikologi, Denata Toçe, tha për “Wake Up” se siç ka pësuar virusi mutacionet e veta, ashtu kanë pësuar dhe mendimet tona disa mutacione gjatë kësaj kohe.

 "Ne kemi filluar të krijojmë një hiper zmadhim të virusit, kemi filluar të krijojmë vetë historira rreth virusit. Po të shihni ne mundohemi të jemi shumë më përpara me informacione edhe se vetë OBSH."- tha psikologia, Denada Toçe.

Përgjithësisht fshehja e sëmundjes, sipas saj ka ekzistuar edhe para kësaj pandemie. " Ne e kemi fshehur sëmundjen tonë edhe më parë. Ja kemi fshehur partnerit. Pra kjo ka ekzistuar dhe më parë por  tani ne kemi edhe frikë. Në një farë mënyrë frika që kemi nuk është ajo që na bën ta paragjykojmë tjetrin por të ruhemi nga tjetrit. Por çfarë ndodh? Në momentin që ne shikojmë që ai që kemi përballë është i papërgjegjshëm ndaj nesh ne i vëmë gishtin. Ekstremi tjetër është se ata njerëz që nuk e kanë informacionin e duhur fillojnë dhe trillojnë aq shumë sa e paragjykojnë tjetrin që kanë përballë. Pastaj duam të nxjerrim gjithmonë një fajtor por në këtë situatë fajtorë jemi të gjithë bashkë. Kjo është diçka që do të zgjasë dhe njerëzit duhet të mësohem me këtë stil jetese për një kohë të gjatë derisa të stabilizohet situata"- tha Toçe e cila vuri theksin se pasoja më e madhe që do të lërë kjo pandemi është depresioni social.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore