Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Shtrenjtohen shtëpitë e reja/ Në Tiranë, nga 850 deri në 5 mijë euro metri katror

Shtrenjtohen shtëpitë e reja/ Në Tiranë, nga 850 deri

Të blesh një apartament tashmë edhe në periferi të Tiranës po bëhet gjithnjë e më e vështirë.

Agjentët imobiliarë tregojnë se çmimet në këto zona në zhvillim si Astiri, 5-Maji apo njësi të tjera janë rritur vrullshëm dhe kanë arritur deri në 1200 euro/m2. Ndërsa në bulevardin e ri ccmimet rezultojnë edhe më të larta në mbi 1300 euro/m2. Shtrenjtim çmimesh shtojnë ata vërehet veçanërisht tek objektet drejt përfundimit.

 “Duke nisur nga pjesa e fundit e Astirit që çmimet variojnë nga 850 euro/m2, nëse afrohemi më afër Unazës së Madhe si Fusha e Aviacionit çmimet kanë kaluar mbi 1000 euro, shkojnë në 1200 euro/m2. Zona e 5 Majit po ashtu me këto çmime 1000-1200 euro/m2, Porcelani 1000-1100 euro. Bulevardi i ri, fasha e dytë e tij çmimet në këto komplekse kanë arritur në 1300-1350 euro/m2, pastaj Sauku, Farka këto rezidenca me vila kryesisht objekte më private.” deklaron Erion Alimema, agjent imobiliar

Ndërsa për kullat që shtrihen përgjatë bulevardit çmimet kanë prekur majat dhe sipas agjentëve të tregut ato të ekspozuara arrijnë edhe deri në 5000 euro/m2.

“Në këto zona çmimet shkojnë nga 1500-1700 euro/m2. Pjesa më e shtrenjtë në Tiranë është fasha e Bulevardit variojnë çmimet mbi 3500 euro, ka çmime të ekspozuara deri në 5000 euro. Duke marrë zonën e ish-Bllokut, sheshi Skenderbej, kullat rreth Stadiumit Arena që kalojnë 3000 euro dhe deri nw 4000 euro.”

Gjithnjë e më shumë po preferohen komplekset e pallateve për shkak të larmishmërisë që ofrojnë në shërbime dhe jo vetëm.

“Komplekset po rrisin cilësinë dhe vlerën e zonave dhe ndërtesave të tjera përreth pasi ofrojnë kënd lojërash dhe shumë facilitate të tjera dhe mbi të gjitha ofrojnë parkim, ndaj janë edhe shumë të kërkuara.”

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore