Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Shifrat në rritje/ A ka rrezik që Qeveria të marrë sërish vendim për Gjendjen e Jashtëzakonshme?!

Shifrat në rritje/ A ka rrezik që Qeveria të marrë

Muaji qershor dhe 10 ditët e para të korrikut kanë pasur një rritje të frikshme të të infektuarve me Covid-19 dhe po ashtu edhe viktimat. Krejt ndryshe nga muajt e parë të pandemisë, hapja e plotë me pak përjashtime e ka përkeqësuar situatën në Shqipëri.

Alarmin për një situatë serioze thuajse përditë po e japin ekspertët e Shëndetësisë me të gjitha mjetet e komunikimit publik, shumica e të cilëve edhe përmes rrjeteve sociale, ku aksesi është i madh.

Në datën 23 qershor, skaduan afatet e Shqipërisë me Gjendjen e Jashtëzakonshme, por a rrezikon që kjo masë të rikthehet dhe Qeveria të rimarrë një vendim të tillë?!

Tri janë gjendjet që diktojnë marrjen e masave të jashtëzakonshme dhe që përcaktohen në Kushtetutë. Gjendja e luftës,  Gjendja e Jashtëzakonshme dhe Gjendja e Fatkeqësisë Natyrore, sipas përcaktimeve të nenit 170, pika 1 e Kushtetutës.

Vendi ynë që prej 27 nëntorit ka kaluar disa periudha të Gjendjes së Jashtëzakonshme, sipas vendimmarrjeve të Qeverisë dhe Kuvendit. E para dhe që zgjati deri në mars në disa periudha ka qenë Gjendja e Fatkeqësisë Natyrore, që përfshiu tre qarqe dhe më vonë, Gjendja e Jashtëzakonshme e shkaktuar nga pandemia botërore Covid 19.

Shtyrjet e afateve diku me vendim qeverie, e diku me votim nga Kuvendi e çuan Shqipërinë deri në 23 qershor në kushtet e Gjendjes së Jashtëzakonshme, por a mund të zgjatet?!

Në fakt, juridikisht ka pasur një problem ligjor. Sepse “Gjendja e Fatkeqësisë Natyrore” mund të vendoset nga Këshilli i Ministrave në rastet e një fatkeqësie natyrore ose aksidenti teknologjik, me qëllim që të parandalohen dhe mënjanohen pasojat e rënda.

Kështu, kjo gjendje ndryshon nga “Gjendja e Jashtëzakonshme”, e cila vendoset me ligj të miratuar nga Kuvendi në rast rreziku për rendin kushtetues dhe për sigurinë publike e për më tepër, ndryshon nga “gjendja e luftës”, e cila vendoset në rast agresioni të armatosur kundër Republikës së Shqipërisë.

Megjithatë, hapja e Shqipërisë nga fundi i muajit maj e deri tani ka prodhuar raste dhe një strategji që nuk po shkon sikurse ishte menduar. Psh, rasti i mbylljes së spitalit “Shefqet Ndroqi”, që ishte me statusin e spitalit “Covid 2” për më shumë se 2 muaj rrezikon të rikthehet sërish në dispozicion të pacientëve të infektuar me koronavirus.

Ligji “Për mbrojtjen civile” njeh edhe mbylljen e përkohshme të veprimtarive të subjekteve private, por përcakton edhe shkaqet për të cilat mund të mbyllen.

Kjo mund të ndodhë me qëllim detyrimin për kryerjen e shërbimeve të ndryshme, në funksion të përballimit të fatkeqësive.  Masat e jashtëzakonshme që parashikohen nga ligji, duhet të përmbushen nga katër kategori subjektesh: institucionet publike, strukturat operacionale të mbrojtjes civile, subjektet private dhe shtetasit.

Përkundër vendimmarrjes nëse mund të ketë apo jo për Gjendjen e Jashtëzakonshme, ka edhe një detaj që nuk të lë shumë hapësira. Bëhet fjalë për ekonominë, e cila është e tronditur nga ajo që kaloi vendi për muajt mars, prill dhe maj dhe një rimbyllje do të ishte katastrofike.

 

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore