"Rikthehet" Bordi i Transparencës/ Rritet çmimi i naftës! Ja vendimi i fundit

Pas disa kohësh mungesë, Bordi i Transparencës ka ndryshuar ditën e sotme çmimet e karburanteve në vend.

Bordi ka vendosur të rrisë naftën me 7 lekë dhe benzina me 4 lekë. Ndërkohë gazi do të tregtohet me të njëjtin çmim, 80 lekë për litër.

Njoftimi i Bordit:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 197 lekë/litri, ndërsa i shitjes me shumicë jo më shumë se 185 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 190 lekë/litri, ndërsa i shitjes me shumicë jo më shumë se 178 lekë/litër.

Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet.

Çmimi i gazoilit për peshkim është vendosur 103 lekë/litër.

Çmimet e caktuara nga Bordi do të hyjnë në fuqi në datë 04 Mars 2023, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.