Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

“Për dy vaksina...” / Majlinda Bregu rrëfen vuajtjet nga Covid të dy prindërve të pavaksinuar

“Për dy vaksina...” / Majlinda Bregu rrëfen vuajtjet nga

Ish-deputetja, ish-ministrja dhe tashmë drejtuese e zyrës së ndërlidhjes së BE-së në Ballkanin Perëndimor, Majlinda Bregu rrëfen betejën e dy prindërve të saj të pavaksinuar me Covid.

“Për dy vaksina! Prindërit e mi nuk ishin vaksinuar. Pak nga kokëfortësia e pak nga frika se mos vaksinat ju komplikonin shëndetin, vendosën të prisnin. Por Covidi nuk ndjek planet e askujt. Përkundrazi, përqesh me pahir çdo moment, kur mendojmë se ia hodhëm. Ka më shumë se 25 ditë që prindërit e mi po luftojnë, që Covid të mos na bëjë hatanë”, shkruan Bregu.

Më tej, ajo thotë se e ëma e ka kaluar me keq sëmundjen dhe falenderon mjekët për shpëtimin e sa.

“Shumë afër ‘hata-së’ ishim me Mamin, në intubim e spital për shumë ditë. Dhimbja e zhbën edhe më të fortin. Dhe nuk di sa ton durim e kurajo duhet të shtysh netët mes ankthit se do të bjerë telefoni e të lajmërohesh, për më të keqen. Nuk di sa forcë duhet për të përballuar veten që rri para teje, si dëshmitar i pafuqisë për të ndryshuar çka ka ndodhur. Madje edhe kur fatmirësisht vjen lajmi i mirë, s’ke fuqi as për britmë lumturie, por zëvëndëson një palë lot me të tjerë. Zoti dhe profesionalizmi e përkushtimi i Dr. Blerim Arapi dhe ekipit të tij, mamin na e ktheu në jetë”, shktuan ajo.

“Mundimi vazhdon, por mrekullia ndodhi. E teksa bashkë me motrat, po mundoheshim të mbusheshim me frymë për mamin, n? spital përfundoi Babi. I lodhur, i drobitur, i përkeqësuar papritur… Dr. Silvana Bala, Dr. Arjan Mezini e gjithë ekipi mjekësor i papërtuar që po kujdesen për Babin- Faleminderit! Faleminderit për shpejtësinë Urgjencës Kombëtare që kanë mbërritur edhe më shpejt nga sa prisnim. Uroj të dalim sa më shpejt, nga kjo spirale mundimi, këputje shpirti dhe përballje me vdekjen. Kaq e rëndë është pesha e shpëtimit të njerëzve të dashur, sa paradoksalisht e lehtë, është marrja e vaksinës!”, mbyll rrëfimin e saj, Majlinda Bregu.

Denonco

Keni informacion në interes të publikut? Dërgojeni në Shqip duke klikuar këtu.

 
Poll

Aktualitet

Ndiqni të gjitha lajmet e fundit
në rrjetet tona shoqërore