Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Opozita kundër vaksinës kineze dhe ruse: Rama shfaqje cirku, po vihet në lojë siguria e shqiptarëve

E Diel 28 Mars 2021, 09:55 Gazeta Shqip

Opozita kundër vaksinës kineze dhe ruse: Rama shfaqje cirku, po vihet

Opozita del kundër përdorimit të vaksinave Sputnik dhe Sinovac në Shqipëri. Ish-ministrii Shëndetësisë, Tritan Shehu në një reagim të sotëm i ka cilësuar si shfaqje, mënyrën se si kryeministri Rama po vepron për çështjen e vaksinimit.

Ai shton se qeveria po i jep shqiptarëve vaksina të pacertifikuara nga agjencitë Europiane, Britanike apo Amerikane.

Më poshtë postimi i plotë

Rama organizon “shfaqje cirku” vaksinash të pa certifikuara, për të fshehur faktin që Shqipëria renditet në fund të Botes për nivelin e vaksinimit e pasojat e Covid.

Këto vijne nga keq menaxhimi mbi njëvjeçar i epidemisë, që po paguhet me numrat nga më të lartë në botë të humbjeve të jetëve të qytetarëve e mjekëve, infeksioneve të larta ditore, pa mundesisë për t'u testuar e mjekuar ene kushte spitalore e të përshtareshme, shpenzimeve personale ambulatore per te etj.

Sipas observatorit britanik ne qëndrojmë në nivelin Afrikano Qendror me 2,16 doza (jo vaksinime) për 100 banore, kur mesatarja boterorë është 6,76, duke përfshirë dhe vendet më të prabambetura.

Ndërkaq Kryeministri në ikje kërkon të fshehë këtë gjendje tragjike me teatralitete, duke përdorur ato vaksinat ruse e kineze të ardhura, njera nga Emirate tjetra nga Turqia, vaksina te pa certifikuara nga agjensia Europiane, Amerikane apo Britanike.
Asnje e dhene shkencore e profesionale nuk behet publke per efikasitetin e tyre, nivelin e komplikacioneve, fazat e cilesine e eksperimentimit te tyre.

Institucionet shtetërore përgjegjëse që duhet të bëjë këto, si Komiteti Covid, Komitetit i Vaksinave, Agjencia e Barnave etj vazhdojne të heshtin, duke harruar se heshtja nuk i përjashton nga përgjegjësitë.

Aq më shumë kjo, kur jo shumë kohë më parë po këto institucione, si dhe Ministria e Shendetesise e deri te Kryeministri vete, deklaronin se në Shqipëri nuk mund të hyjnë vaksina të pa certifikuara nga EMA ose FDA.

Ndërsa sot çdo gjë kthehet “kokë poshtë”, pa asnjë argument profesional e komunikim zyrtar, duke trajtuar kështu qytetarët shqiptarë si “te dores se dyte” perballe atyre europiane.

Në këto kushte kur vihet në lojë siguria e shqiptarëve, shëndeti masiv i popullsisë, jeta e tyre dhe kur heshtja qeveritare është e plotë, institucionet pergjegjese duhet te reagojne.

Sidoqoftë tashme me 25 Prill do te reagoje publiku i gjere, i cili meriton po ato standarte, cilesi e nivele sigurie edhe per vaksinat ashtu si qytetaret e vendeve te tjera te BE.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore