Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Ndryshon LIGJI për emigrantët shqiptarë në Angli: "Kush mbërrin me gomone, s’ka të drejtë..."

E Enjte 12 Janar 2023, 14:59 Gazeta Shqip

Ndryshon LIGJI për emigrantët shqiptarë në Angli: "Kush

Emigrantët që kalojnë kanalin në mënyrë të paligjshme me gomone do të përballen me një ndalim automatik për të bërë kërkesa për azil sipas masave të reja të ashpra të imigracionit që janë hartuar nga Suella Braverman, raporton Daily Mail.

Sekretarja e Brendshme do të ndryshojë ligjin në mënyrë që çdo migrant që ka kaluar nëpër një vend të sigurt, siç është Franca, të marrë statusin ‘i pavlefshëm’ në kërkesën për azil. Më pas ata do të përballen me largimin e menjëhershëm nga Britania.

Legjislacioni i ri do të përcaktojë gjithashtu masa të mëtejshme për të trajtuar ‘kërkesat e rreme për azil’.

Ndryshimet ligjore do të formojnë një plan kyç të përpjekjeve për të përmbushur premtimin e kryeministrit Rishi Sunak për ‘të ndalur gomonet me emigrantë’.

Vitin e kaluar, një rekord prej 45,728 emigrantësh mbërriti nga Franca veriore me 1,104 varka, duke tejkaluar numrin total të 28,526 të vitit 2021.

Muajin e kaluar Kryeministri Rishi Sunak u zotua të ashpërsojë ligjet e imigracionit, në mënyrë që të gjithë migrantët, shumë prej të cilëve janë shqiptarë, të ‘ndalohen dhe kthehen me shpejtësi’ në atdheun e tyre ose në një vend të tretë.

“Nëse vini në vendin tonë ilegalisht, nuk do të keni të drejtë të qëndroni dhe do të largoheni”, ka premtuar Sunak./ Top Channel

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore