Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Myku i gojës: Të rrezikuarit, simptomat dhe trajtimi

Myku i gojës: Të rrezikuarit, simptomat dhe trajtimi

Myku i gojës, i njohur ndryshe edhe si Kandidoza orale, ështe një infeksion mykotik që ndodh në gojë. Shkaktari kryesor i këtij lloj infeksioni është bakteri Candida Albicans. Ekzistojnë disa kategori njerëzish të cilët janë më të rrezikuar , për të pasur myk në kavitetin oral.

Ata janë:

1-personat të cilët marrin shumë dhe shpesh Antibiotikë
2-pacientët të cilët janë në process kimioterapie dhe radioterapie
3-pacientët të cilët marrin mjekime si Prednisoloni, Kortikosteroide
4-pacientët të cilët marrin mjekime që ulin gjendjen e imuintetit
5-pacientët që vuajnë nga sëmundje si Diabeti, HIV etj.

Simptomat e mykut janë në varësi të llojit të tij. Shpeshherë paraqiten si zona erozive, të skuqura dhe të shkëlqyeshmeose pseudomembranoze të bardha të cilat hiqen lehtësisht për të ekspozuar një zonë të kuqë eritematoze, nga e cila mund të ketë hemorragji. Myk është gjithashtu kur kemi çarje dhe skuqje të anëve të buzëve,shoqëruar me tharje te tyre.

Myku i gojës: Të rrezikuarit, simptomat dhe trajtimi

Mund të kemi djegie e tharje të gojës,ndjesinë e dickaje të hidhur,kripur ose acide në kavitetin oral. Gjithashtu, mund të kemi vështirësi në gëlltitje, kur kemi përfshirje të ezofagut dhe ashpërsim të zërit me përfshirje të laringut. Mund të na shfaqet në gjuhë, me pllaka të bardha ose një zonë pa papilla në qendër të saj.

Trajtimi konsiston në marrjen e mjekimeve Antimykotike dhe në përmirësimin e higjenës oralë, si dhe përdorimin e shpëlarësve Antimikrobial. Gjithashtu duhet një higjenë e mirë e protezave, pasi ato e mbajnë mikrobin në brendësi dhe duhen hequr natën, të lihen në solucion dezinfektant, në mënyrë që të shëndoshet mukoza e gojës. Trajtimi duhet të zgjatet dy javë pas zhdukjes së simptomave.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore