Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Mjeku pneumolog: COVID po prek dhe mushkëritë e adoleshentëve

Mjeku pneumolog: COVID po prek dhe mushkëritë e adoleshentëve

Mjeku pneumolog, Adrian Jorgji rrëfen se ka diagnostikuar me pneumoni në të dyja mushkëritë pacientë pa mbushur 20 vjeç.

“Të rinjtë humbasin tek vigjilenca, neglizhenca dhe për shkak se Komuniteti shkencor-mjekësor ka thënë se të rinjtë e kalojnë lehtë dhe nuk duhet të ketë ndonjë merak të madh për ta. Kjo nuk është kështu sepse për shumë muaj kam parë plot të rinj me shumë probleme. Po t’i  referohemi Greqisë, mosha mesatare e të intubuarëve në reanimacion ishte 39-vjeç”, sqaron ai.

Një ditë më parë Komiteti Teknik i Ekspertëve të Shëndetësisë ngriti shqetësimin për rritje të numrit të të rinjve me Covid 19 ndërsa paralajmëroi shtim të rasteve të reja në fund të  muajit janar.

Ndërkohë pneumologu Jorgji thotë se specialistët në botë flasin për një valë të tretë të koronavirusit në muajin mars.

“Bota flet për një valë të tretë diku nga marsi. Koronavirusi nuk ka ndryshuar, të paktën në klinikën time të përditshme, intensiteti është i njëjtë po ashtu edhe prurja e rasteve është e njëjtë”, reagoi ai për Abc news.

Mjeku jep edhe lajmin e mirw duke deklaruar s e“thuhet se Covid lë dëmtime shumë të mëdha, nga praktika ime e përditshme që tashmë u bë një vit, dëshmoj që koronavirusi shërohet. Jam shumë i kujdesshëm për këtë që them, po vihen re me një afat kohor 2-3-4 muaj post Covid, infarkte që nuk kanë karakteristika risku për këto probleme. Ky është një konstatim, akoma nuk ka analiza”.

Në 100 mijë banorë të testuar për Covid 19  dy javët fundit sipas Institutit të Shëndetit Publik 227 kanë rezultuar pozitiv.

18% e  të infektuarve i përkasin grupmoshës 24 deri në 34 vjeç.

TË INFEKTUARIT ME COVID 19

55-64 vjeç  20% e rasteve

25-34 vjeç 18% e rasteve

45-54 vjeç 17 % e rasteve

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore