Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Lajm i mirë nga SHBA/ Trump: Vaksina kundër Covid, gati brenda disa javësh

Lajm i mirë nga SHBA/ Trump: Vaksina kundër Covid, gati brenda disa

Presidenti amerikan, Donald Trump, në një intervistë në “Fox & Friends” të martën pretendoi se një vaksinë për coronavirusin mund të aprovohet “brenda disa javësh”.

“Unë nuk jam duke e bërë këtë për arsye politike, unë e dua vaksinën shpejt”, tha Trump për nxitjen për një vaksinë, të quajtur “Operacioni Warp Speed”.

“Ju nuk do të kishit një vaksinë për vite me radhë… Unë përshpejtova procesin me FDA… Ne do të kemi një vaksinë brenda disa javësh, mund të jenë katër javë, mund të jenë tetë javë… ne kemi shumë kompani të shkëlqyera”, citohet të ketë thënë më tej Trump.

Komentet e presidentit Trump rreth vaksinës vijnë ndërsa disa demokratë kanë hedhur dyshime mbi sigurinë e një vaksine të mundshme për shkak të procesit të përshpejtuar.

I nominuari demokrat Joe Biden dhe kandidati i tij nënkryetar senatorja Kamala Harris, kanë shprehur shqetësime rreth presionit të mundshëm politik që mund të çonte në një aprovim të vaksinës shumë herët.

“Unë nuk do ta merresha me fjalët e Trump për këtë”, ka thënë Harris kur u pyet nëse do të merrte një vaksinë të miratuar para 3 nëntorit.

“Unë do të doja të shihja se çfarë thanë shkencëtarët”, u përgjigj Biden në një pyetje në lidhje me një vaksinë gjithashtu.

Ndërkohë, dr. Anthony Fauci, drejtori i Institutit Kombëtar të Alergjisë dhe Sëmundjeve Infektive, ka thënë në mënyrë të përsëritur është e mundur që një vaksinë të miratohet si e sigurt dhe efektive deri në fund të vitit 2020 ose në fillim të vitit 2021.

Sidoqoftë, sfida pas kësaj është prodhimi masiv i vaksinës dhe shpërndarja e tij tek qindra miliona amerikanë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore