Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Ky vit shkollor do jetë ndryshe nga herët e tjera, disa këshilla për ata që kthehen në banka gjatë Covid-19

Ky vit shkollor do jetë ndryshe nga herët e tjera, disa këshilla

Ky vit shkollor nuk do të jetë aspak si vitet e kaluara. Kthimi në shkollë këtë vit është shumë më ndryshe, dhe duket se kujdesi duhet të jetë primar.

Shkollat kanë nisur punën për të krijuar një ekuilibër mes nevojave arsimore, sociale dhe emocionale të nxënësve të tyre. Por nga ana tjetër, ka disa gjëra që të gjithë nxënësit, gjimnazistët dhe studentët duhet të kenë parasysh vetë gjatë këtij viti shkollor:

– Përpiquni ta konsumoni pushimin në ambient të hapur, në hyrjen jashtë shkollës apo në oborrin e saj, gjithnjë duke evituar edhe grumbullimet e mëdha pranë njëri-tjetrit.

– Evitoni radhën e gjatë për të dalë nga klasa në përfundim të mësimit, por dilni njëri-pas tjetrit deri sa klasa të boshatiset.

– Nëse vini re se mjeti i transportit me të cilin shkoni në shkollë, është i tejmbushur me nxënës, bëni diçka që kjo të ndryshojë dhe mos pranoni të lëvizni me atë automjet.

– Qëndroni me miqtë tuaj më të afërt dhe zvogëloni ndërveprimin midis grupeve të ndryshme.

– Nëse dikur ndërronit rrobat në dhomat e fiskulturës, komunikoni me mësuesen për të menduar diçka tjetër, ose për t’u ndërruar me radhë në dhomë, njëri pas tjetrit, për të evituar grumbullimin.

– Mbani maskë gjatë gjithë procesit mësimor, por edhe në autobusin e shkollës.

Për prindërit: Sigurojini fëmijës tuaj një maskë të pastër dhe një maskë rezervë çdo ditë, në një qese të pastër.

– Pajisuni me dezinfektantë dhe letra të lagura dhe përdorini ato herë pas here.

– Lani duart shpesh dhe mos harroni t’i lani ato direkt sapo mbërrini në shtëpi.

– Mos pranoni të hyni në klasë, nëse ambienti nuk duket i pastër dhe përreth ka mbeturina.

– Përpiquni të mos fiksoheni pas Covid-19 dhe të përqendroheni në mësim, gjithnjë duke u treguar të kujdesshëm.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore