Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

"Kujdes nga vaksina fake"/ Europol paralajmëron: Po përhapen si oferta në rrjetet sociale

"Kujdes nga vaksina fake"/ Europol paralajmëron: Po përhapen

Kreu i EUROPOL-it, Catherine de Bolle ka ngritur alarmin kundër vaksinave të mundshme të rreme të koronavirusit. Ajo ka bërë me dije se shtetet anëtarë janë paralajmëruar për rrezikun që u kanoset, kryesisht nëpërmjet rrjeteve sociale.

Transportimi i një vaksine të miratuar aktualisht për përdorim në BE kryhet nën sigurinë më të lartë, kështu që kriminelët do ta kenë të vështirë, por kjo nuk do të thotë, sqaroi De Bolle, që nuk do e shfrytëzojnë këtë moment, pasi ofertat për shitjen e vaksinave kanë filluar të shfaqen në rrjetet sociale.

"Ofertat tashmë po qarkullojnë në mediat sociale. Paguajeni paratë tuaja dhe ose nuk do të merrni asgjë ose do të merrni një vaksinë të rreme që mund të dëmtojë shëndetin tuaj", tha De Bolle.

De Bolle vuri në dukje se departamentet e policisë në të gjithë Bashkimin Europian po punojnë së bashku për të mbrojtur transportin e vaksinave.

"Ne tashmë u kemi dërguar një paralajmërim Shteteve Anëtare, duke u bërë thirrje atyre që të jenë shumë vigjilentë. Ekziston një rrezik real që grupet kriminale po përpiqen të shfrytëzojnë nevojën për vaksinë për krimet e tyre ", tha de Bolle.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore