Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

"Jo studentë në auditore pa u vaksinuar"/ PD del kundër, Shehu: Rama po kërcënon, ky është talebanizëm

"Jo studentë në auditore pa u vaksinuar"/ PD del

Deputeti i PD-së, Tritan Shehu ka reaguar ndaj deklaratës së lëshuar nga kryeministri Edi Rama se studentët, profesorët dhe mësuesit nuk do të lejohen në auditore dhe shkolla në rast se ato nuk janë të vaksinuar.

Sipas mjekut Shehu është shkelje e rëndë të kërcënosh si Rama: “kush nuk vaksinohet nuk hyn në auditor”, pa paraqitur një strategji vaksinimi!

"Po, është arbitrare, sepse është urdher i pa bazuar në Kushtetutë, shkelje të drejtave, ndoshta dhe i dëmshëm për shëndetin. E kam ngritur disa herë këtë, së pari shteti u shpjegon qartësisht qytetarëve strategjinë e tij, sigurinë që u jep, çfarë masash ka marrë e çfare u ofron, e më tej vendos masa detyruese, edhe këto fleksibile për këtë rast. Aktualisht jemi një nga vendet me numrin më të ulët te vaksinimeve në Botë, vetëm me 25% të popullsisë me vaksinim të plote, dhe këto në shumicën dërmuese me vaksinat kineze të pacertifikuara e të pa pranuara nga Europa e Perëndimi", shprehet Shehu.

Duke qenë pro modelit të BE-së Grën Pass, Shehu thekson se problemi në Shqipëri janë se pjesa më e madhe e të vaksinuarve kanë marrë atë kineze që nuk njihet nga ana vendet e anëtare të Unionit.

Reagimi i plotë

 "Ështe shkelje e rëndë të kërcënosh si Rama: “kush nuk vaksinohet nuk hyn në auditor”, pa paraqitur një strategji vaksinimi!

Po, është arbitrare, sepse është urdher i pa bazuar në Kushtetutë, shkelje të drejtave, ndoshta dhe i dëmshëm për shëndetin.

E kam ngritur disa herë këtë, së pari shteti u shpjegon qartësisht qytetarëve strategjinë e tij, sigurinë që u jep, çfarë masash ka marrë e çfare u ofron, e më tej vendos masa detyruese, edhe këto fleksibile për këtë rast.

Aktualisht jemi një nga vendet me numrin më të ulët te vaksinimeve në Botë, vetëm me 25% të popullsisë me vaksinim të plote, dhe këto në shumicën dërmuese me vaksinat kineze të pacertifikuara e të pa pranuara nga Europa e Perëndimi.

Pra shteti përpara se të marrë një mase të tillë penalizuese ndaj qytetarëve duhet:
1-Të sigurojë për të gjithë qytetarët vetëm vaksina të certifikuara nga EMA, të aplikuara sipas llojit në bazë të indikacioneve të tyre për grup mosha, gjendjes shendetësore etj, siç po e realizon edhe Kosova.

Gjë që kërkon për Shqipërine mbi 5,5 Milion doza, krejt e realizueshme kjo edhe tashti mbas kaq vonese, përgjegjëse për të cilen është vetëm Qeveria.

2-Të deklarojë çfare do të bëhet me ata, që janë vaksinuar me ato vaksina të pa efekeshme e të papranueshme sipas Perëndimit, qytetarë, pedagogë e studentë këta.
Psh. a do te lejohen ata të hyjne ene auditore me ato vaksina, që mund te jetë placebo.

Në fakt këta duhet te trajtohen si të pa vaksinuarit e t'u ofrohet rivaksinim i plote me vaksina të sigurta, gjë që po e bën edhe Turqia.

3- Po për shkollat e mesme çfarë do të bëhet? Në fakt duhet vepruar si në vendet e tjera, edhe si ne Kosove, duke ulur moshën e vaksinimit në 12 vjeç.

Fatkeqësisht edhe për këtë pikë ka vetëm heshtje nga Qeveria e “Komiteti”, për të mos folur sot edhe për “dozën e tretë”.

Mbasi shteti të ketë realizuar këto detyrime ndaj qytetarëve, nxënësve, studentëve, mësuesve a pedagogëve, mund të hapet diskutimi për ndalimin e hyrjes nëpër klasa.
Unë jam per “Grën Pass”, por vetëm atëherë kur realizohen konditat, vetëm mbi bazën  e asaj metodike, që po aplikohet në vendet e BE.
Por jo pa strategji, pa transparence e diskutim, pa siguri, duke detyruar njerezit tu injektohen vaksina te pa certifikuara nga EMA, së paku shumë të dyshimta këto. Kjo mund te quhet edhe talebanizem!

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore