Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Ja sa do të jetë gjoba për maskat, nëse jeni pa kartë ID përfundoni në komisariat

E Martë 13 Tetor 2020, 14:21 Gazeta Shqip

Ja sa do të jetë gjoba për maskat, nëse jeni pa kartë

Prej 15 tetorit mbajtja e maskës do të jetë e detyrueshme në ambiente të hapura apo të mbyllura, përveç shtëpisë ndërsa shkelësit e këtij vendimi do të gjobiten dhe gjoba do të faturohet së bashku me energjinë elektrike. Shumë qytetarë janë njoftuar për këtë vendim, por nuk janë të qartë për mënyrën se si do të verifikohen shkelësit nga ana e policisë, e cila do të monitorojë në terren.

‘BalkanWeb‘ raporton se qytetarët që do të konstatohen pa maskë do të gjobiten me 3 mijë lekë të rinj. Në rast përsëritje të shkeljes gjoba rritet në mënyrë progresive 6, 9 12 mijë lekë e kështu me radhë.

Në faturën e energjisë elektrike do të jetë nominalisht e shkruar se cili person ka kryer shkeljen duke shkruar gjeneralitetet dhe numrin e kartës së identitetit, që do t’i kërkohet çdo shkelësi në rrugë apo në ambiente të tjera.

Pas 15 tetorit është e detyrueshme që çdo person të ketë mjet identifikimi me vete që në rast se kapet në shkelje policia të mund ta identifikojë e më pas me ndihmën e databases së OSHEE të gjendet se në cilën kontratë të faturohet gjoba.

Në rast se shkelësi nuk ka me vete mjet identifikimi dhe është mbi 18 vjeç, ai do të shoqërohet në komisariat. Për minorenët policia do të veprojë me këshillime. Në ditët në vijim pritet që ministria e shëndetësisë në koordinim me policinë e shtetit të hartojnë protokollet e nevojshme për zbatimin e masave të reja që synojnë uljen e përhapjes së koronavirusit.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore