Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

"Harrohet" kriza, shtohet eksporti/ KESH shet 31.92 milion € energji elektrike që nga janari

E Diel 21 Maj 2023, 20:14 Gazeta Shqip

"Harrohet" kriza, shtohet eksporti/ KESH shet 31.92 milion €

Fatura zyrtare për të siguruar energjinë elektrike vitin që lamë pas ishte 503 milionë euro, me çmimin mesatar 305 euro.

Kriza që përfshiu kontinentin evropian pati një efekt të rëndë edhe mbi buxhetin e Shqipërisë.  Por 2023 ka filluar ndryshe. Shirat e bollshëm që kanë rënë gjatë 5 muajve të parë të vitit ka bërë që deri më tani, KESH jo vetëm të mos importojë por edhe të shesë.

Në fillim vit kur kishte edhe derdhje nga hidrocentralet, KESH u përpoq të depozitonte energji, por procedura rezultoi e pasuksesshme, sepse nuk kishte asnjë të interesuar.

Por, gjatë janarit u arrit të shitej 14.8 milion euro energji elektrike me çmimin mesatar 90 euro.

Nga janari deri në 20 Maj KESH ka arritur të shesë 31.92 milion euro energji elektrike, ndërsa sasia është 386 436 megawatt me çmim mesatar 82 euro. Shitjet ende nuk po kryhen në bursën shqiptare, e cila filloi funksionin e saj në 11 prill, pasi nuk ka likuiditetin e mjaftueshëm sipas KESH.

Ndërkohë për të shmangur luhatjet që çmimet pësojnë në sezonin veror KESH ka marrë disa masa.

Po përpiqet që të fusë në punë dy anijet e marra me qera në portin e Vlorës, për të cilat po kërkon lëndë djegëse të tipit Heavy Fuel Oil në një afat kohor prej dy vitesh.

Gjithashtu KESH ka hapur një tender për të blerë energji elektrike në periudha afatgjatë. Kontrata e parë përfshin blerjen e energjisë për një periudhë 3 vjeçare nga 1 Qershor – 31 Maj 2026, ndërsa procedura e dytë përfshin një kontratë pesëvjeçare 3+2 nga 1 Qershor– 31 Maj 2028.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore