Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Gabimet dhe gafat në tekstet shkollore, pedagogia: Problemi është te kontrolli, mësuesit detyrohen të zgjedhin një libër të caktuar

Gabimet dhe gafat në tekstet shkollore, pedagogia: Problemi është

Një skandal i vërtetë ndodh me librat për fëmijët, ku në njërin prej tyre tregohet procesi i riprodhimit të njeriut. Gabime dhe gafa pa fund në tekstet shkollore.  Vjersha dhe tregime me përmbajtje banale për fëmijët. Gabime të rënda në lëndët shkencore dhe ushtrime të pakuptimta. Fjali të përkthyera  keq e që nuk sjellin asnjë kuptim në shqip.

Kjo është ajo çfarë ofrojnë sot librat me të cilat fëmijët tanë mësojnë në shkollë. Disa tekste  të librave shkollorë prej të cilëve fëmijët shqiptarë marrin dije, janë në kushtet e një skandali për arsimin e 9-vjeçar. Në rrjetet sociale vrullshëm po qarkullojnë foto të shkëputura nga librat, kryesisht nga lënda e Leximit.

Ditën e sotme u diskutua gjatë kjo çështje në emisionin “Shqipëria Live” në Top Channel. E ftuar në studio ishte pedagogia në Universitetin Filologjik në Tiranë, Elsa Skënderi, e cila tha se ka shumë diskutime për cilësinë e librave.

Sipas saj duhet të certifikojmë përmbajtjen e teksteve që të shpëtojmë njëherë e mirë.

“Kur seksi i babit takon seksin e mamit lëshon spermatozoide”, shkruhet në një libër, të cilin Elsa e komentoi kështu:  “Problemi është te gabimet konceptuale që ndodhin. Ne duhet të kuptojmë se fëmijët tanë nuk rriten brenda një sfere të paprekshme. Kam një djalë 6 vjeç, mua më është dashur që t’ia them ato gjëra. Me aq sa lexime kam unë nga psikologjia, prindi duhet të flasë me fëmijët me aq njohuri që ka. Problemi është te kultura, te kontrolli. Edhe zgjedhjet të jenë konkrete. Kur zgjidhen tekstet, janë mësues të detyruar që të zgjedhin një libër të caktuar. Dikur kanë qenë konceptet e komunizmit, sot janë koncepte te tjera. Ka koncepte që i qëndrojnë kohës. Bashkëkohësia gjen vend te librat”, tha Skënderi.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore