Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Flet Brataj: Situata e Covid ndryshon për 3 javë vetëm nëse...

Flet Brataj: Situata e Covid ndryshon për 3 javë vetëm

Dje u shënua bilanci më i rëndë i rasteve pozitive nga COVID-19, por kreu i Urgjencës Kombëtare, Skënder Brataj, i intervistuar nga A2, thotë se nuk ka arsye për të qenë pesimistë dhe se respektimi i masave kolektive dhe veçanërisht përgjegjësia personale janë elementët  kyç që do të zgjidhin situatën.

“Masat janë tashmë të çliruara, dhe numrat janë pak a shumë ato të parashikuara edhe pse shqetëson fakti që janë në rritje. Por nuk ka masa të reja, mjafton të respektohen të vjetrat.  Njerëzit duhet të kuptojnë që varet nga gjithsecili. Sado inspektorë të kesh, dikush mund të shpëtojë”, thotë mjeku.

Brataj shton se duhet menduar me një farë optimizmi, dhe se “në qoftë se këto respektohen, për tri javë numrat e pandemisë zbresin në mënyrë të dukshme”. Diçka të tillë ai pret tashmë që vënia  e maskave në ambientet e mbyllur apo respektohet masivisht nga popullsia. “Pres një përmirësim nga fillimi i shtatorit, të mos harrojmë që shifrat e sotme janë pasojë e asaj që ka ndodhur në korrik”, thotë ai.

Optimizmi i moderuar vjen nga statistikat, por edhe nga historia. Të gjitha 26 pandemitë historikisht të regjistruara, sipas, tij, “ kanë patur kohë të kufizuar, pra do të mbarojnë. Ne flasim për shifra shqetësuese, por duhet të jemi të qetë sepse përqindja nuk po ndryshon, ka njerëz që infektohen dhe nuk sëmuren, ka njerëz në përqindje shumë të lartë që shërohen, ose trajtohen në banesë. Por duke u rritur shumë shpërndarja, është rritur edhe pozitiviteti, por kjo pa ndryshuar raportin e mëparshëm”.

Kapacitetet spitalore deri metani kanë rezistuar, por Brataj bën një paralajmërim. “ Për momentin po përballojmë situatën me spitalet COVID1 dhe COVID 2 dhe kemi plane për hapjen e resurseve të tjera, por burimet nuk janë të pashtershme dhe njerëzit duhet ta kuptojnë. Sistemi ynë nuk është nga të parët në botë, edhe pse kanë shkuar në kolaps edhe sisteme shumë më të zhvilluara”, thotë shefi i Urgjencë sKombëtare.

Mjeku mohon po ashtu që në Shqipëri virusi të ketë kaluar në transmetim komunitar, nga momenti që” për momentin kemi vetëm “cluster”, edhe pse ka zona më të nxehta në Tiranë, por kjo është e kuptueshme në metropole, Normalisht kjo nuk do t\thotë që nuk mund të shkohet në transmetim komunitar”.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore