Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Epidemiologu nxjerr rezultatet e studimeve: Sa rrezikohen fëmijët dhe adoleshentët nga Covid-19

Epidemiologu nxjerr rezultatet e studimeve: Sa rrezikohen fëmijët dhe

Epidemiologu Ilir Alimehmeti, teksa sjell rezultatet e disa studimeve, shkruan se risku i COVID-19 për fëmijët dhe adoleshtët është krejtësisht minimal.

Duke iu referuar studimeve të realizuara  nga “National Health System” në bashkëpunim me institucione të tjera britanike, të publikuara më 2 korrik të këtij viti, epidemiologu zbulon se risku është minimal.

Në të dhënat e publikuara rezultoi se gjatë një viti në Mbretërinë e Bashkuar ndër fëmijë dhe adoleshentë kanë ndodhur:

-61 vdekje me tampon pozitiv, por 25 vdekje të vetme ishin si rrjedhojë e COVID-19.

Duke kujtuar se në Mbretërinë e Bashkuar ka mbi 12 milionë fëmijë dhe adoleshentë: vdekshmëria nga SARS-CoV-2 rezultoi më pak se 2 ndër 1 milionë.

Ndërsa shkalla e vdekshmërisë nga infeksioni (IFR) rezulton krejtësisht e ulët.

Epidemiologu shkruan se në bazë të studimeve është arritur në përfundimin se 99.995% e fëmijëve dhe adoleshentëve i mbijetojnë SARS-COV-2 dhe se kjo shkallë vdekshmërie është krejtësisht e njëjtë me shkallën e vdekshmërisë nga gripi sezonal, e cila në këtë grupmoshë luhatet nga 0.003% – 0.009%, në varësi të viteve.

Më tej theksohet se ndër 25 vdekjet 19 kishin sëmundje të rënda, 13 kishin sëmundje të rënda neurologjike (shkaqet: sëmundje gjenetike/metabolike, ishemi cerebrale ose të lindur parakohe), dhe 8 individë me sëmundje neurologjike kishin edhe sëmundje të rënda respiratore.

Ndërsa 6 të tjerë kishin sëmundje të rënda onkologjike, hematologjike, kardiake, endokrinologjike dhe ndërlikime të lindjes para kohe.

Ndërkohë autorët kanë dalë në përfundimet se  SARS-CoV-2 shumë rrallë është fatal për fëmijët dhe adoleshentët, madje edhe për ata me sëmundje bashkëshoqëruese.

-Gjetjet tona janë 60% më të ulëta se sa shifrat që vijnë nga testet pozitive, duke e ulur edhe më tej përllogaritjen e riskut të vdekjes nga pandemia për këtë grupmoshë.

-Më të riskuar ishin moshat >10 vjeç me etni aziatike ose të zezë.

Pra , NHS arrin në përfundimin se fëmijët dhe adoleshentët e kanë riskun krejt minimal dhe të krahasueshëm me gripin sezonal.

Duke marrë shkas nga të dhënat, epidemiologu ka edhe një thirrje: Lërini fëmijët të lirë që të luajnë, të zbativen, të arsimohen, të rriten, siç është e drejta e tyre!”

Mesazhi i plotë

Fëmijët e shëndetshëm nuk do t’i frikësohen jetës, nëse të rriturit do të kenë mjaftueshëm integritet sa të mos i frikësohen vdekjes.”

Cit.: Prof. Erik Erikson (1902-1994)

Risku i COVID-19 për fëmijët dhe adoleshtët është krejtësisht minimal miqtë e mi!

Siç ishte vërejtur që në fillim, të rinjtë dhe adoleshentët përgjithësisht e kalojnë krejt lehtë infeksionin nga SARS-CoV-2.

Tashmë këto vrojtime mbështeten nga evidencat zyrtare, si në rastin e të dhënave zyrtare të Mbretërisë së Bashkuar.

NHS (National Health System) në bashkëpunim me institucionet të tjera elitare britanike, publikoi më 8 Korrik 2021 studimin e arsyeve të vdekjeve të fëmijëve dhe adoleshentëve (<18 vjeç) përgjatë një viti pandemi (periudha 1 mars 2020 – 28 shkurt 2021).

Gjetjet e tyre janë aq mbresëlënëse saç ishin edhe të parashikueshme.

Në detaj, gjatë një viti, ndër fëmijët dhe adoleshentët në Mbretërinë e Bashkuar kanë ndodhur:

61 vdekje me tampon pozitiv, por

25 vdekje të vetme ishin si rrjedhojë e COVID-19.

Duke kujtuar se në Mbretërinë e Bashkuar ka mbi 12 milionë fëmijë dhe adoleshentë:

vdekshmëria nga SARS-CoV-2 rezultoi më pak se 2 ndër 1 milionë.

Shkalla e vdekshmërisë nga infeksioni (IFR) rezulton krejtësisht e ulët:

469.982 fëmijë dhe adoleshentë kanë qenë të infektuar në këtë periudhë, si rrjedhojë

IFR = 25 / 469.982 = <0.005%.

Pra, 99.995% E FËMIJËVE DHE ADOLESHENTËVE I MBIJETOJNË SARS-COV-2.

Kjo shkallë vdekshmërie është krejtësisht e njëjtë me shkallën e vdekshmërisë nga gripi sezonal, e cila në këtë grupmoshë luhatet nga 0.003% – 0.009%, në varësi të viteve.

Autorët thellohen më tej dhe bëjnë të ditur, se ndër 25 vdekjet:

19 kishin sëmundje të rënda,

13 kishin sëmundje të rënda neurologjike (shkaqet: sëmundje gjenetike/metabolike, ishemi cerebrale ose të lindur parakohe), dhe

8 individë me sëmundje neurologjike kishin edhe sëmundje të rënda respiratore,

6 të tjerë kishin sëmundje të rënda onkologjike, hematologjike, kardiake, endokrinologjike dhe ndërlikime të lindjes parakohe.

6 (24%) ndodhën në individë pa sëmundje, që është e njëjtë me

729 vdekje që ndodhën te fëmijët pa COVID-19 (729 / 3080 = 24%).

Fatmirësisht asnjë vdekje nuk ndodhi në:

persona vetëm me sëmundje respiratore (përfshirë astmën),

persona me trizomi 21 (sindromë Doën), apo

Autorët dalin në përfundimet e qarta:

SARS-CoV-2 shumë rrallë është fatal për fëmijët dhe adoleshentët, madje edhe për ata me sëmundje bashkëshoqëruese.

Gjetjet tona janë 60% më të ulëta se sa shifrat që vijnë nga testet pozitive, duke e ulur edhe më tej përllogaritjen e riskut të vdekjes nga pandemia për këtë grupmoshë.

Më të riskuar ishin moshat >10 vjeç me etni aziatike ose të zezë.

Këto gjetje janë të rëndësishme për udhëheqjen e familjeve, klinicistëve dhe politikëbërësve mbi strategjitë e ardhshme të mbrojtjes dhe vaksinimit.

NHS na thekson qartë se fëmijët dhe adoleshentët e kanë riskun krejt minimal dhe të krahasueshëm me gripin sezonal.

Lërini fëmijët të lirë që të luajnë, të zbativen, të arsimohen, të rriten, siç është e drejta e tyre!

Akademia e Shkencave të Shqipërisë/Gazeta SHQIP

Denonco

Keni informacion në interes të publikut? Dërgojeni në Shqip duke klikuar këtu.

Poll

Në Fokus

Ndiqni të gjitha lajmet e fundit
në rrjetet tona shoqërore