Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Emigrimi zbeh 8 Dhjetorin / Dita e rinisë me më pak të rinj!

Emigrimi zbeh 8 Dhjetorin / Dita e rinisë me më pak të rinj!

32 vite pas marshimit të studentëve të dhjetorit, dita e rinisë kujtohet me më pak të rinj në sheshet dhe rrugët e Tiranës.

‘Qytet Studenti’, pikënisja e kthesës historike për Shqipërinë, u zgjua këtë 8 dhjetor thuajse i zbrazët. Këtë vit ‘Dita e Rinisë’ vjen vetëm 24 orë pasi parlamenti britanik zhvilloi seancë dëgjimore me ambasadorin shqiptar dhe ekspertë, për fenomenin gjithnjë e në rritje të braktisjes së vendit nga të rinjtë shqiptarë dhe kalimin e kanalit të La Manshit me gomone për të mbërritur në brigjet britanike.

Autoritetet konstatuan se më shumë se 15 mijë njerëz, ose 35% e të gjithë emigrantëve që tentojnë të mbërrijnë në Mbretërinë e Bashkuar janë shqiptarë. Madje shtuan se emigrantët shqiptarë janë në fakt emigrantë ekonomikë që kërkojnë të përfitojnë dokumente britanike në bazë të pretendimeve të rreme se janë viktima të krimit të organizuar.

Niveli i ulët i pagave, niveli i ulët i arsimimit e kualifikimit dhe ambicia për më shumë të ardhura në më pak kohë konsiderohen si faktorët kryesorë që po nxit të rinjtë jashtë vendit. Migrimi masiv i tyre vitet e fundit konfirmohet edhe nga tkurrja e numrit të gjimnazistëve, apo e studentëve ku për këtë vit në universitetet e rretheve dhe ato të Tiranës disa degë, përfshirë këtu ato prioritare janë mbyllur fare ose të regjistruarit numërohen me gishtat e njërës dorë.

Për nivelin e pagave, INSTAT raporton se paga mesatare është rritur mbi 60 mijë lek, por e nxitur kryesisht nga rritja e pagës minimale nga Qeveria nga 26 në 34 mijë lek. Gjithsesi, kjo rritje është poshtë nivelit të inflacionit, që është mbi 8 për qind

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore