Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

EMA jep vendimin për vaksinën Astra Zeneca: Ka lidhje me mpiksjen e gjakut, por...

EMA jep vendimin për vaksinën Astra Zeneca: Ka lidhje me mpiksjen e

Agjencia Evropiane e Ilaçeve ka thënë se ka gjetur “lidhje të mundshme” në mes të vaksinës kundër koronavirusit, të kompanisë AstraZenenca dhe një çrregullimi të rrallë të trashjes së gjakut, mirëpo ka thënë se përfitimet e vaksinës tejkalojnë rreziqet.

Në një deklaratë të publikuar të mërkurën, sipas REL, kjo Agjenci nuk ka vënë kufizime të reja në përdorim të vaksinës për personat mbi 18 vjeç.

Agjencia në fjalë ka thënë se shumica e rasteve që janë raportuar me trashje gjaku, janë gra nën moshën 60-vjeçare, brenda dy javëve të vaksinimit.

Ajo ka thënë se bazuar në të dhënat aktuale, Agjencia nuk ka qenë në gjendje të identifikojë faktorë specifikë të rrezikut.

Ekspertët kanë rishikuar disa dhjetëra raste që janë raportuar në Evropë dhe Mbretëri të Bashkuar, ku 25 milionë persona kanë marrë vaksinën e kompanisë AstraZenenca.

“Rastet e raportuara të trashjeve jo të zakonshme të gjakut, pas vaksinimit me vaksinën e AstraZenecas, duhet të renditen si efekte të mundshme anësore të vaksinës”, ka thënë shefja ekzekutive e agjencisë, Emer Cooke.

Ajo shtoi se "Përfitimet janë shumë më herë më të larta, se sa efektet anësore, që sipas tyre ekziston një lidhje me mpiksjen, por që janë shumë të rralla, por që ende nuk i dihet shkaku". Enti rregullator Europian ka vendosur se “mpiksjet e pazakonshme të gjakut” duhet të listohen si një efekt anësor “shumë i rrallë” i vaksinës AstraZeneca. Gjithashtu, është cilësuar se këto efekte anësore nuk i perkasin nje gropmoshe apo seksi.

Në vazhdim, EMA ka theksuar se vaksina është e sigurt për përdorim, por puna do të vazhdojë për studimin e rasteve të rralla, të cilat janë të zakonshme në një shkallë kaq të gjerë vaksinimi dhe varen direkt nga reagimi imun i gjithsecilit.

Enti Europian gjithashtu ka theksuar faktin se efikasiteti i vaksinës AstraZeneca është i provuar tashmë  dhe të dhënat tregojnë që rastet e trombozës janë një rrezik minimal kundrejt përfitimeve të jashtëzakonshme në luftën kundër COVID-19.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore