Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Ekonomia do rritet me 2.2% por... Banka Botërore ul pritshmëritë për Shqipërinë

E Mërkurë 11 Janar 2023, 19:48 Gazeta Shqip

Ekonomia do rritet me 2.2% por... Banka Botërore ul pritshmëritë

Banka Botërore ka rishikuar me ulje pritshmëritë për rritjen e ekonomisë këtë vit. Në raportin e fundit të saj Perspektiva e Ekonomisë Globale thuhet se ekonomia shqiptare do të zgjerohet me vetëm 2.2%, duke bërë që parashikimi i fillimvitit të jetë gati 1.3% më i ulët se ai i bërë në qershor 2022.

Ky parashikim i zymtë i organizmit ndërkombëtar, që është ndjeshëm më i ulët se pritshmëritë e qeverisë në 2.6%, lidhet kryesisht me efektet e luftës në Ukrainë që sipas saj do të shtrijë efektet e edhe përgjatë vitit 2023.

Rritja globale po ngadalësohet ndjeshëm sipas raportit të Bankës Botërore përballë inflacionit të rritur si dhe normave të larta të interesit që bankat kanë ndjekur për ta frenuar atë. Pasiguritë e shtuara po ashtu me një valë tjetër të mundshme të pandemisë mund ta çojnë ekonominë globale drejt recesionit.

Ndërkohë, për vitin e ardhshëm projeksionet e Bankës Botërore flasin për një rritje ekonomike të Shqipërisë në  3.4%.

Për të gjitha vendet e Ballkanit Perëndimor rritja parashikohet të jetë e ngadaltë këtë vit duke mos kaluar 2.5%.

Për një pjesë të vendeve thuhet në raport, ngërçet dhe pasiguritë e mëdha politike mund të rrezikojnë vonesa në zbatimin e reformave që mund të ndikojnë në ecurinë e ekonomive të vendeve të rajonit./TCH

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore