Anulohen të gjitha fluturimet e Rinasit, deri në datën 8 prill

Të gjitha fluturimet hyrëse apo dalë të parashikuara për ditën e sotme nga  Aeroporti i Rinasit  janë anuluar.

Ky njoftim është dhënë nga Organizata Ndërkombëtare e Aviacionit Civil. Kjo situatë vjen pas revoltës së punonjësve të kompanisë AlbControl, që është në funksion të aeroportit.

Punonjësit kanë dalë në protestë për shkak se janë paguar vetëm 72% të pagave, ndërsa kërkojnë respektimin e kodit të punës, kushte që zbatoheshin edhe para pandemisë.

Sipas informacioneve, ata do të vijojnë edhe me lëvizje të tjera duke bllokuar edhe trafikun ajror.

Edhe vizita e ministres së Infrastrukturës dhe Energjetikës, Belinda Balluku në aeroportin e Rinasit, për të rënë dakord në një pikë të përbashkët, ishte pa rezultat.

Ndërprerja e punës preku dy fluturime, atë të “Aegean Airline” me destinacion Athinë-Tiranë dhe Air Albania me destinacion Stamboll-Tiranë, ku “Aegean Airline” u detyrua të rikthehej sërish në Athinë.

Njoftimi i plotë:

Sot, më 7 Prill 2021, nga ora 9.23 deri në ora 09.55, orë lokale, janë ndërprerë operimet në Aeroportin Ndërkombëtar të Tiranës, për shkak të mungesës së stafit në Agjencinë e Trafikut të Kontrollit Ajror. Dy fluturime janë prekur nga ky fakt, Aegean Airline me destinacion Athinë-Tiranë dhe Air Albania me destinacion Stamboll-Tiranë, që do të ketë 40 minuta vonesë. Aegean Airline është kthyer sërish në Athinë. Operimet kane rifilluar në 09.55 dhe Aegean pritet të riniset për të sjellë pasagjerët në Tiranë. Tirana International Airport. 

KËRKESAT E PUNONJËSVE:

Rikthimi në punë i kontrrollorëve të hequr,

anulimi i vendimit të bordit më 24 prillit 2020,

një anëtar i sindikatës në bord,

transparencë financiare

dorëheqjen e menaxhmentit