101 të infektuar brenda një dite, qytetet me pullë të kuqe nga Covid

Në të gjithë vendin rezulton se janë 2417 raste aktive, pra të prekur nga Covid dhe po ndiqen nga mjekët e familjes.

Ministria e Shëndetesisë në përditësimin më të fundit shprehet se janë kryer 474 testime për të dyshuar të prekur nga Covid 19, ku 101 persona janë konfirmuar të prekur nga virusi Covid 19.

“Në total në të gjithë vendin prej fillimit të epidemisë janë kryer 42657 testime molekulare dhe serologjike, ndërkohë vijon gjurmimi dhe hetimi epidemiologjik nga strukturat e epidemiologjisë në të gjithë territorin. Gjatë 24 orëve të fundit janë shëruar 13 qytetarë, duke e çuar numrin e të shëruarve në 3031, që nga fillimi i epidemisë”, deklaroi doktoresha Flutura Beqo.

Shpërndarja gjeografike e rasteve pozitive ditore është si vijon: 66 raste në Tiranë, 9 në Krujë, 7 në Lezhë, 5 në Shkodër, 3 në Durrës, nga 2 raste në Korçë, Elbasan, Kavajë, nga 1 rast në Lushnje, Tropojë, Kamëz, Pogradec, Selenicë.

Shpërndarja gjeografike e rasteve aktive sipas qarqeve:

Tiranë                   1342

Durrës                   302

Shkodër                218

Fier                       96

Vlorë                     93

Lezhë                    84

Korçë                    78

Kukës                   69

Elbasan                 54

Berat                 29

Dibër                28

Gjirokastër      24