Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

1 i vdekur nga COVID/ Çfarë ndodhi me numrin e të infektuarve në 24 orët e fundit

1 i vdekur nga COVID/ Çfarë ndodhi me numrin e të infektuarve

Është ulur ndjeshëm numri i të infektuarve me COVID19 në 24 orët e fundit në vend, pasi janë regjistruar vetëm 290 raste nga 766 testime të kryera.

Nga krahasimi i numrit të të prekurve me virusin nga një ditë më parë, rezulton se janë 672 persona më pak. Gjithsesi numri i të testuarve gjatë ditës së djeshme ka qenë plot 2245 qytetarë.

Ndërkohë njëjtë si dhe dje është shënuar edhe një humbje jete në territorin e Shqipërisë.

NJOFTIMI I MINISTRISË SE SHENDETESISE:

Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.

Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 766 testime, nga të cilat kanë rezultuar pozitivë me COVID19, 290 qytetarë, në këto bashki:

79 në Tiranë, 45 në Fier, 15 në Vlorë, nga 13 qytetarë në Durrës, Kavajë, 12 në Shkodër, nga 11 qytetarë në Lushnje, Berat, nga 10 qytetarë në Vorë, Sarandë, nga 7 qytetarë në Divjakë, Gjirokastër, 6 në Gramsh, nga 5 qytetarë në Lezhë, Elbasan, nga 4 qytetarë në Mallakastër, Himarë, Tepelenë, nga 3 qytetarë në Kukës, Mirditë, Kurbin, Delvinë, Kolonjë, nga 2 qytetarë në Has, Poliçan, nga 1 qytetarë në Pukë, Fushë Arrëz, Bulqizë, Roskovec, Selenicë, Përmet, Këlcyrë, Memaliaj, Dimal, Skrapar.

Janë 6,030 qytetarë aktivë me Covid19 në gjithë vendin.

Aktualisht në spitalin COVID3 po marrin trajtim 34 pacientë. Në 24 orët e fundit ka një humbje jete me Sars-Cov2: një qytetar nga Lezha 78 vjeç.

Janë shëruar 448 qytetarë gjatë 24 orëve të fundit, duke e çuar numrin e të shëruarve në 278,440 që nga fillimi i epidemisë.

Raste të reja ditore            290

Të shëruar në 24 orë        448

Të shtruar në spitale          34

Humbje jete në 24 orë         1

Testime ditore                  766

Testime totale               1,866,191

Raste pozitive                  287,984

Raste të shëruara              278,440

Raste Aktive                        6,030

Humbje jete                         3,514

Shpërndarja gjeografike e rasteve aktive sipas qarqeve:

Tiranë            3,630

Fier                 427

Vlorë               356

Berat                225

Lezhë                142

Korçë                 94

Dibër                 69

Kukës               30

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore