Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Zgjerimi i Greqisë me 12 milje në Detin Jon/ Mediat Gjermane: Turqia do ta shohë si shkak për luftë

Zgjerimi i Greqisë me 12 milje në Detin Jon/ Mediat Gjermane: Turqia

Parlamenti Grek votoi pro projektligjit të Ministrisë së Punëve të Jashtme për shtrirjen e ujërave territoriale të vendit në 12 milje detare në Detin Jon.

Ndërkohë revista gjermane Der Spiegel ka komentuar këtë vendim.

"Greqia zgjeron territorin e saj në Mesdhe. 12 milje nga bregu: kjo është shtrirja e re e territorit grek në Detin Jon. Vendimi është në përputhje me ligjin ndërkombëtar, por jep gjithashtu një perspektivë, të cilën Turqia e hedh poshtë kategorikisht ", thuhet në revistë.

Sipas revistës gjermane, “Nëse Athina zbaton këtë zgjerim në Egje, Turqia mund ta shohë atë si një shkak për luftë. Athina mund të argumentojë se nuk po planifikon të marrë më tej ujëra territoriale. Sidoqoftë, Mitsotakis vazhdimisht theksoi se me ligjin e ri kjo mund të bëhet dhe se Greqia do të vendosë vetë kur dhe në çfarë mënyre dhe në çfarë kushtesh

Në 1995 Parlamenti Turk vendosi që shtrirja e ujërave territoriale Greke në Egje me 12 milje do të konsiderohej një shkak për luftë. Turqia pretendon se Egjeu do të bëhej një ‘det grek’ de facto. Në të vërtetë, në këtë rast 71% e Egjeut do t’i përkiste ujërave territoriale Greke, nga 21% që është sot”.

Spiegel raporton se të dy vendet po fillojnë bisedimet për herë të parë që nga viti 2016 “në mënyrë që të kapërcejnë ndryshimet që i kanë çuar ato vazhdimisht në prag të luftës në të kaluarën”.

Rreziku i konfliktit

"Greqia po rishikon kufijtë detarë", është titulli i një raporti në faqen e internetit të televizionit publik gjerman tagesschau.de, i cili thotë: Rrallë një projekt-ligj i qeverisë pranohet gjerësisht. Greqia është duke zgjeruar kufijtë e saj detarë. "Kjo mbart një rrezik konflikti."

Duke iu referuar një "vendimi historik" me të cilin Greqia zgjeron territorin e saj me gati 10%, tagesschau.de shprehet se "ligji parashikon në mënyrë të qartë parashikimin e zgjerimit të ujërave territoriale në Egje, siç tha Mitsotakis. Por ai do të ishte një shkak i luftë për Turqinë ".

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore