Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Vetëm 2 ditë pas urdhër-arrestit/ Putini “sfidon” ndërkombëtarët, viziton për herë të parë Mariupolin

E Diel 19 Mars 2023, 10:26 Gazeta Shqip

Vetëm 2 ditë pas urdhër-arrestit/ Putini “sfidon”

Presidenti i Rusisë Vladimir Putin ka vizituar qytetin e pushtuar ukrainas të Mariupolit. Lajmi është konfirmuar nga mediat ruse, të cilat e përshkruan atë si “udhëtim pune” në qytetin port të aneksuar nga Rusia në shtator të vitit të kaluar.

Reuters shkruan se vizita “surprizë” e Putinit në Mariupol është udhëtimi i parë i liderit rus në territoret e pushtuara nga Rusia të rajonit të Donbasit të Ukrainës që nga fillimi i konfliktit.

Putin fluturoi për në Mariupol me helikopter dhe udhëtoi nëpër disa zona të qytetit, duke bërë ndalesa dhe duke biseduar me banorët, njoftoi agjencia TASS të dielën, duke cituar Kremlinin.

Vizita pason aneksimin gjerësisht të dënuar të rajoneve të Donetsk, Kherson, Luhansk dhe Zaporizhzhia në shtator. Para ndalesës në Mariupol, Putini kishte vizituar Krimenë, me rastin e nëntë vjetorit të aneksimit të gadishullit ukrainas në Rusi dhe vetëm dy ditë pasi Gjykata Ndërkombëtare Penale lëshoi një urdhër arresti ndaj tij.

Putini nuk ka komentuar ende publikisht mbi urdhër arrestin e Gjykatës Ndërkombëtare Penale, por udhëtimet e tij në territorin ukrainas të pretenduar nga Rusia u panë nga disa vëzhgues si një përgjigje ndaj urdhër arrestit.

Mariupoli u pushtua nga rusët maj të vitit të kaluar, duke shënuar fitoren e parë të madhe të Rusisë pasi nuk arriti të pushtonte Kievin dhe u përqendrua në Ukrainën juglindore. Organizata për Siguri dhe Bashkëpunim dhe Evropë (OSBE) tha se bombardimi i një materniteti në Mariupol nga Rusia ishte një krim lufte.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore