Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Vaksina e Novavax mbi 90% efektive kundër koronavirusit

Vaksina e Novavax mbi 90% efektive kundër koronavirusit

Kompania Novavax njoftoi sot se vaksina e saj kundër COVID-19 ishte më shumë se 90% efektive gjatë testimeve të fazës së tretë. Efektiviteti i saj, sipas kompanisë, është treguar ndaj një shumëllojshmërie variantesh shqetësuese të koronavirusit.

Në studim morën pjesë rreth 30.000 vullnetarë në Shtetet e Bashkuara dhe Meksikë.Kompania tha se këto rezultate i hapin rrugë Novavax-it për të kërkuar autorizimin urgjentë të përdorimit në Shtetet e Bashkuara dhe gjetkë në tremujorin e tretë të vitit 2021, raporton Reuters.

Vaksina e kësaj kompanie bazohet në proteina dhe ato prodhohen në atë mënyrë që përdorin copëza të pastruara të virusit për të nxitur një përgjigje të imunitetit. Në mesin e të testuarve ka pasur persona me variantet e koronavirusit të identifikuara për herë të parë në Brazil, Afrikë të Jugut dhe Indi, tha kreu i hulumtimeve dhe zhvillimit në Novavax, Gregory Glenn.

Vaksina ishte 91% efektive midis vullnetarëve me rrezik të lartë të infeksionit të rëndë dhe 100% efektive në parandalimin e rasteve të moderuara dhe të rënda të COVID-19.

Novavax tha se vaksina përgjithësisht pranohej mirë nga organizmi i të testuarve. Efektet anësore përfshinin lodhje, dhimbje koke, të muskujve por ishin simptoma përgjithësisht të lehta. Një numër i vogël i pjesëmarrësve përjetuan efekte anësore të vlerësuara si të rënda. Novavax është kompani amerikane e bioteknologjisë. Ajo planifikon që të prodhojë 250 milionë doza deri në fund të vitit 2021.

Denonco

Keni informacion në interes të publikut? Dërgojeni në Shqip duke klikuar këtu.

Poll

Në Fokus

Ndiqni të gjitha lajmet e fundit
në rrjetet tona shoqërore