Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Turqia çon anijet e armatosura në Egje, Greqia mbledh 'Sigurinë Kombëtare': Do mbrojmë sovranitetin!

Turqia çon anijet e armatosura në Egje, Greqia mbledh

Shtohen tensionet mes Athinës dhe Ankarasë, pasi kjo e fundit njoftoi se do të nisë kërkimet për gaz në një zonë të diskutueshme mes Qipros dhe Greqisë. Kryeministri grek mblodhi këshillin kombëtar të sigurisë, ndërsa Ministria e Jashtme në Athinë i kërkoi Ankarasë të ndalë menjëherë veprimet e paligjshme në Mesdheun lindor. Një aktivitet i tillë, sipas deklaratës, është provokuese dhe minon paqen e sigurinë në rajon. “Greqia nuk do të pranojë asnjë shantazh. Ajo do të mbrojë të drejtat e saj sovrane,” tha Ministria e Jashtme.

Përmes një njoftimi marina turke informoi se do anija Oruc Reis dhe dy të tjera ndihmëse do të zhvillonin kërkime në zonën e diskutueshme në Mesdheun Lindor nga e hëna 10 gusht deri më 23 të këtij muaji. Ministri i Energjetikës dhe rezervave natyrore në Turqi Fatih Donmez bëri të ditur se Oruc Reis kishte mbërritur në zonë dhe se 83 milionë qytetarët turq e mbështesnin operacionin.

Lëvizja vjen mes zemërimit të Ankarasë, pas marrëveshjes që Greqia nënshkroi me Egjiptin lidhur me të drejtat e eksplorimit dhe kufijtë detarë të zonave ekonomike, e cila sipas palës turke synon ta mbajë atë jashtë Mesdheut Lindor. Vitin e kaluar Turqia nënshkroi një ujdi të ngjashme me qeverinë libiane të mbështetur nga OKB, duke nxitur zemërimin e Greqisë, Qipros dhe Egjiptit.

 Presidenti francez, Emmanuel Macron, ka bërë thirrje që Turqia të “sanksionohet” duke e akuzuar Ankaranë për shkelje të të drejtave të Greqisë dhe Qipros, pasi që të tre vendet përpiqen të shfrytëzojnë rezervat e zbuluara së fundmi.

Anijet turke shkojnë të armatosura në Egje

Raportohet se Turqia ka nxjerrë sërish në Egje anijen e madhe të kërkimit të naftës dhe gazit, “Oruç Reis”. Anija u nis sot nga porti i Antalias për në zonën e kontestuar detare mes Rodosit me qëllim vijimin e kërkimeve në det.

Më herët, anija ishte urdhëruar të tërhiqej në port pas ndërhyrjes së Gjermanisë për të ulur tensionet mes Greqisë dhe Turqisë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore