Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Terror në Selanik/ Burri tenton të hedhë në erë makinën me dy fëmijët, veten e gruan brenda, e afërmja: Donte të vdisnin të katërt bashkë

E Martë 21 Mars 2023, 18:34 Gazeta Shqip

Terror në Selanik/ Burri tenton të hedhë në erë

 Një ngjarja e rëndë ka tronditur Selanikun ditën e sotme. Një 47-vjeçare ka denoncuar bashkëshortin e saj për dhunë, por kallëzimi ka bërë që partneri i saj të kërcënojë me jetë edhe fëmijët. 62-vjeçari ka futur fëmijët e tij në makinë dhe ka kërcënuar publikisht se do ta hidhte mjetin në erë, por ndërjyrja e autoriteteve u ka shpëtuar jetën të vegjëlve.

Tezja e fëmijëve, në një prononcim për Protothemën tregon se 62-vjeçari nuk ua kishte dhënë kurrë përshtypjen që ishte dhunues, por e kishin njohur si një njeri serioz në punë dhe me humor në familje. Ajo thotë se kjo ishte hera e katërt që ai e rrihte të motrën e se më në fund, ajo vendosi ta kallëzonte në polici.

“Ai e kishte kapur për fyti, e kishte rrahur. Ishte e disata herë që ndodhte, por asaj i vinte turp ta thoshte. Kishte ndodhur edhe 4-5 herë, por kjo ishte pika që mbushi kupën,"- tregon ajo.

"Ai mori fëmijët që janë binjakë, i futi në makinë dhe i tregoi çakmakun. Askujt s’ia mori mendja se çfarë kishte ndërmend të bënte. Brenda pak sekondash motra ime thirri policinë. Ai e ftonte të afrohej pranë makinës, kishte në plan të hidhte gjithçka në erë dhe të vdisnin të katërt bashkë,”- shton ajo.

Ajo shton se beson se 62-vjeçari e kishte planifikuar paraprakisht atë që donte të bënte, pasi i kishte blerë bombolat e gazit dhe i kishte në makinë. 

62-vjeçari është vënë në pranga dhe akuzohet për tentativë vrasjeje në seri, dhunë në familje, kanosje dhe armëmbajtje pa leje. Atij i është dhënë një afat, deri të enjten mund të kërkojë falje për të lehtësuar pozitën e tij.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore