Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Shpërthimi i covid, shteti në zemër të Evropës që po shkon drejt karantinës, ndërsa pjesa tjetër e botës po hapet

E Diel 28 Shkurt 2021, 16:55 Gazeta Shqip

Shpërthimi i covid, shteti në zemër të Evropës që

Ndërsa numri global i rasteve të reja të koronavirusit ka rënë për gjashtë javë rresht, Çekia, një shtet prej 10 milionë banorësh, ka përjetuar nivele rekord të infeksioneve të reja.

Një variant i ri, më infektues i virusit është përhapur në të gjithë vendin, duke i çuar spitalet Çeke në prag të kolapsit. Numri i të vdekurve sapo ka kaluar 20,000. Shkalla e vdekjes në Çeki është ndër më të lartat në botë, shkruan SHQIP.

Nuk ka asnjë arsye që vendi të jetë ndër më të goditurit. Si një vend relativisht i pasur dheanëtar i Bashkimit Evropian, Republika Çeke ka qasje në vaksina, pajisje mjekësore dhe zgjidhje të teknologjisë gjurmuese. Ka një qeveri të zgjedhur në mënyrë demokratike. Sistemi i tij i kujdesit shëndetësor respektohet mirë, ekonomia është mjaft e fortë.

Por katastrofa aktuale Çeke lidhet me vendimmarrjen e gabuar, thonë ekspertët për CNN. Sipas ekspertëve, tri gabimet kryesore të qeverisë janë mosdetyrimi i maskave gjatë verës së kaluar, mbajtja hapur e dyqaneve për festat e fundvitit, dhe reagimi i vonuar ndaj variantit të ri të virusit që nisi të përhapet në fillimin e janarit.

Të Premten, qeveria pranoi se nuk kishte zgjidhje tjetër përveç se të vendoste një bllokim shumë të rreptë duke filluar të hënën, ndërsa shumica e pjesës tjetër të botës po fillon të flasë për 'lehtësim të masave'.

Duke folur në Parlament të Premten, Kryeministri Andrej Babiš pranoi që qeveria e tij ka bërë "shumë gabime".

Duke shpjeguar nevojën për bllokimin e ri, ai tha: "Unë e kuptoj që është e vështirë, por është shumë e rëndësishme ... ne duhet ta bëjmë këtë së bashku dhe shpresoj se të gjithë do ta kuptojnë dhe do të na japin një mundësi të fundit në mënyrë që ta menaxhojmë këtë së bashku. " /Gazeta SHQIP

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore