Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Shifrat shokuese, koronavirusi vret 1 person çdo 9 sekonda, çfarë ndodh rreth botës

E Enjte 3 Dhjetor 2020, 22:13 Gazeta Shqip

Shifrat shokuese, koronavirusi vret 1 person çdo 9 sekonda,

Mbi 1.5 milion njerëz kanë humbur jetën për shkak të COVID-19, me një vdekje të raportuar çdo nëntë sekonda në një mesatare javore, ndërkohë që vaksinimet do të fillojnë në dhjetor në një pjesë të vendeve të zhvilluara.

Gjysmë milion vdekje ndodhën vetëm në dy muajt e fundit, duke treguar që ashpërsia e pandemisë nuk ka mbaruar. Gati 65 milionë njerëz në mbarë botën janë infektuar nga sëmundja dhe vendi më i prekur, janë Shtetet e Bashkuara të Amerikës, që aktualisht po përballen me një valë të tretë infektimesh të koronavirusit.

Vetëm në javën e fundit, më shumë se 10,000 njerëz në mbarë botën humbën jetën mesatarisht çdo ditë, e cila është në rritje të vazhdueshme çdo javë që kalon. Shumë vende në të gjithë botën tani po luftojnë valët e dyta dhe të treta edhe më të mëdha se e para, duke detyruar kufizime të reja në jetën e përditshme.

Robert Redfield, kreu i Qendrave Amerikane për Kontrollin dhe Parandalimin e Sëmundjeve, paralajmëroi të mërkurën se pandemia do të paraqesë krizën më të rëndë shëndetësore të vendit edhe gjatë muajve të ardhshëm, përpara se vaksinat të bëhen të disponueshme.

“Besoj se do të jetë koha më e vështirë në historinë e shëndetit publik të këtij kombi”, tha Redfield në një prezantim të drejtpërdrejtë të organizuar nga Fondacioni i Dhomës së Tregtisë në SHBA.

Shtetet e Bashkuara vazhdojnë të udhëheqin për sa i përket fataliteteve, me mbi 273,000 vdekje. Amerika Veriore dhe rajonet e Amerikës Latine së bashku kanë më shumë se 50% të të gjitha vdekjeve nga koronavirusi që janë raportuar.

Rajoni i Amerikës Latine është më i prekuri globalisht për sa i përket fatkeqësive, kohët e fundit tejkaloi mbi 450,000 vdekje.

Të mërkurën, Britania u bë vendi i parë që miratoi vaksinën e zhvilluar nga BioNTech dhe Pfizer të Gjermanisë, duke u kaluar e para, pjesën tjetër të botës në garën për të filluar programin vendimtar të vaksinimit masiv.

Por furnizimet pritet të jenë shumë të kufizuara në fazat e hershme, që do të thotë se çdo vend që fillon vaksinën do të duhet të vendosë përparësi bazuar në faktorët e rrezikut.

Rregullatorët shëndetësorë të SHBA-së pritet të miratojnë shpërndarjen dhe administrimin e vaksinës në mes të dhjetorit.

Ndërsa Afrika synon të vaksinojë 60% të popullsisë së saj kundër COVID-19 brenda dy-tre viteve të ardhshme, tha të enjten grupi i kontrollit të sëmundjes së Bashkimit Afrikan. Kontinenti me 1.3 miliardë njerëz ka regjistruar më shumë se 2.2 milion infeksione të konfirmuara të koronavirusit, sipas një llogarie të Reuters.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore