Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Rezistenca antimikrobike, OBSH paralajmëron për krizën globale të afërt: Mund të eklipsojë COVID

Rezistenca antimikrobike, OBSH paralajmëron për krizën globale

Fenomeni global i rezistencës antimikrobike, po aq i rrezikshëm sa një pandemi, kërcënon të zhbëjë një shekull përparim mjekësor, paralajmëroi sot OBSH.

Rezistenca antimikrobike ndodh kur bakteret, viruset, kërpudhat dhe parazitët i rezistojnë efekteve të ilaçeve, duke përfshirë antibiotikët, që i bën infeksionet e zakonshme më të vështira për t’u trajtuar dhe rrit rrezikun e përhapjes së sëmundjeve, formave të rënda të sëmundjes infeksioneve dhe vdekjeve.

“Rreth 700 000 persona vdesin çdo vit nga kjo rezistencë dhe pa veprime të forta për të siguruar përdorimin e duhur të antibiotikëve ekzistues, si edhe trajtime të reja dhe më të mira, ky numër mund të rritet në dhjetë milionë deri në vitin 2050″, tha Federata Ndërkombëtare e Industrisë së Barnave (IFPMA).

“Rezistenca antimikrobike është një krizë globale e afërt që mund të eklipsojë COVID-19 përsa i përket vdekjeve dhe kostove ekonomike”, paralajmëroi Drejtori i Përgjithshëm i IFMPA-s, Thomas Cueni.

Antimikrobikët janë armë thelbësore në luftën kundër sëmundjeve te njerëzit, kafshët dhe bimët. Ato përfshijnë antibiotikë, antiviralë, antifungale dhe antiparazitikë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore