Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

"Putin meriton respekt"/ Deklarata i shkakton "prerje koke" shefit të marinës gjermane

"Putin meriton respekt"/ Deklarata i shkakton "prerje koke"

Kreu i marinës gjermane ka dhënë dorëheqjen për komentet e diskutueshme që ai bëri për situatën në Ukrainë. Kay-Achim Schönbach tha se ideja se Rusia donte të pushtonte Ukrainën ishte e pakuptimtë. Ai shtoi se gjithçka që Presidenti Vladimir Putin donte ishte respekti.

Zëvendësadmirali Kay-Achim Schönbach tha gjatë një vizite në Indi të premten se Ukraina nuk do ta rimarrë kurrë gadishullin e Krimesë, të aneksuar nga Rusia në 2014. Ai gjithashtu vuri në pikëpyetje pikëpamjet perëndimore mbi qëllimet e Vladimir Putin në lidhje me Ukrainën, duke shtuar se presidenti rus meritonte "respekt".

"Ajo që presidenti rus dëshiron "është të respektohet", tha Schönbach në një takim në Nju Delhi të premten.

"Është e lehtë t'i akordosh atij respektin që dëshiron, dhe që ai gjithashtu ndoshta e meriton," shtoi shefi i marinës, duke e përshkruar idenë se Rusia donte të pushtonte një pjesë të Ukrainës si "një absurditet".

Deri të shtunën vonë, Schönbach kishte kërkuar shkarkimin e tij, duke thënë se donte të parandalonte dëme të mëtejshme që do të rezultonin në Gjermani dhe ushtrinë e saj nga "deklaratat e tij të pamenduara".

Në një deklaratë, marina gjermane tha se ministri i mbrojtjes kishte pranuar dorëheqjen e Schönbach dhe emëroi zëvendësin e tij si shef të përkohshëm detar.

Më herët, Ministria e Jashtme e Ukrainës thirri ambasadorin gjerman për të kundërshtuar një video në të cilën shihej shefi i marinës gjermane duke bërë komentet.

Një numër vendesh kanë furnizuar me armë Ukrainës, duke përfshirë SHBA-në dhe Britaninë e Madhe. Por Gjermania ka refuzuar kërkesën e Ukrainës për municion.

Rusia ka mohuar pretendimet se po planifikon të pushtojë Ukrainën. Por presidenti Putin i ka bërë kërkesa Perëndimit, të cilat ai thotë se kanë të bëjnë me sigurinë e Rusisë, duke përfshirë ndalimin e Ukrainës nga bashkimi me aleancën e mbrojtjes ushtarake NATO.

Ai gjithashtu dëshiron që NATO të braktisë stërvitjet ushtarake dhe të ndalojë dërgimin e armëve në Evropën Lindore, duke e parë këtë si një kërcënim të drejtpërdrejtë për sigurinë e Rusisë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore