Përsëritet tragjedia në Turqi/ 24 vite më parë tërmeti shkaktonte 17 mijë viktima

Turqia ditën e sotme është zgjuar e tronditur pasi në njëjuglindje të vendit, një tërmet me magnitudë 7.8, ka sjellë dëme kolosale në njerëz, ku deri më tani raportohet për mbi 500 të vdekur dhe rreth 1000 të plagosur.

Po ashtu janë kthyer në rrënoja banesa, pallate e qendra tregtare. Tërmeti mësohet se ka zgjatur rreth 45 sekonda, duke sjellë në mendjen e qytetarëve turq, tragjedinë e ndodhur 24 vite më parë, ku një tjetër tërmet me magnitudë 7,4 goditi vendin.

24 vite më parë në rajonin e Marmara të Turqisë tërmeti i fuqishëm me magnitudë 7.4 shkaktoi 17 mijë viktima dhe plagosi 45 mijë të tjerë.

Dridhjet edhe atëhere zgjatën po aq sekonda dhe gjithçka ndodhi në orën 03:02 të mëngjesit.

Si pasojë e tërmetit, u prekën rreth 16 milionë njerëz, prej të cilëve rreth 200 mijë mbetën të pastrehë. Gjithsej 66.441 shtëpi dhe 10.901 vende të punës u rrënuan, ndërsa u dëmtuan 285.111 shtëpi dhe 42.902 vende të punës.