Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Një vit pas bllokimit të Wuhan, Kina në gatishmëri për Vitin e Ri Hënor

Një vit pas bllokimit të Wuhan, Kina në gatishmëri për

Një vit më parë, në orën 10 të mëngjesit të datës 23 janar, qyteti i Wuhan hyri në karantinë. 11 milionë banorëve të saj u ishte dhënë urdhri që të qëndronin në shtëpi për një kohë pa pacaktuar, sepse spitalet nuk ishin më në gjendje që të strehonin të sëmurët.

Në atë kohë u quajt karantinë, pasi termi “lockdown” hyri në gjuhën globale vetëm kur koronavirusi detyroi gjithashtu edhe Shtetet e Bashkuara që të mbylleshin.

Pas 76 ditësh kalvari, Wuhan u la e lirë më 8 prill. Si masë paraprake, autoritetet përkatëse lançuan një fushatë për tamponët, ku brenda dy javësh në maj u përfshi e gjithë popullsia. Ishte një eksperiment për t’i treguar botës se Kina kishte reaguar dhe mësuar. Por sigurisht që koronavirusi nuk është zhdukur as në Kinë.

E tani alarmi është kthyer në Pekin dhe Shangai, deri në Hong Kong. Situata u bë më urgjente dhe problematike pasi qindra miliona kinezë po përgatiteshin të largoheshin për Vitin e Ri Hënor.

Dy periferitë e mëdha të Pekinit, Daxing në jugperëndim dhe Shunyi në verilindje, u vendosën në statusin e gjysmë bllokimit këtë javë. Megjithëse ka më pak se një duzinë rastesh nga 22 milionë banorë, autoritetet shëndetësore pretendojnë se “varianti anglez” ka mbërritur dhe s e”situata është e komplikuar”.

Përgjigja aktualisht ndjek “modelin kinez”: gjurmimi i kontakteve të para pozitiv, izolimi dhe kryerja e tamponëve në lagje. Rreth dy milionë banorë të rretheve qendrore të Dongcheng dhe Xicheng do të testohen, dhe shtypi tashmë është duke përgatitur të gjithë popullsinë e kryeqytetit që të përgatitet për thirrjen.

Autoritetet janë të vetëdijshme se urdhri i parë i Xi Jinping janarin e kaluar, pasi dëshmoi katastrofën e Wuhan nga një distancë dhe pasivisht, ishte të “mbronte kryeqytetin me çdo kusht, duke e shndërruar atë në një fortesë shëndetësore”.

Ata që mbërrijnë nga jashtë, me disa fluturime ndërkombëtare të lejuara, duhet të ndjekin tani rregullin “14+7+7”: 14 ditë në një dhomë hoteli të Covid, ku janë nën vëzhgim të ngushtë mjekësor; 7 ditë të tjera të mbyllur në shtëpi (për ata që kanë një banesë në Pekin, përndryshe qëndrojnë në hotel) dhe 7 ditë të tjera të monitorimit në distancë, gjithmonë në kontakt me një spital për të biseduar rreth gjendjes shëndetësore dhe temperaturën dy herë në ditë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore