Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Nga modele në Zonjë e Parë në SHBA, profili i Melania Trump (FOTO)

Nga modele në Zonjë e Parë në SHBA, profili i Melania Trump

Zonja e Parë e Shteteve të Bashkuara të Amerikës, Melania Trump, ishte modele para se të martohej me presidentin Donald Trump, 15 vite më parë.

Melania është një emigrante nga Sllovenia dhe zakonisht u shmanget daljeve publike, përveç rasteve kur flet në emër të kauzave që mbështet, që përqendrohen përgjithësisht te mirëqenia e fëmijëve.

Korrespondentja e Zërit të Amerikës, Carolyn Presutti, përmbledh disa nga tiparet më të spikatura që e dallojnë Melania Trump si Zonjë e Parë.

Zonja e Parë Melania Trump, gjithmonë elegante dhe e veshur bukur.

Një emigrante që u rrit në Slloveni, një ish-republikë jugosllave me një popullsi prej dy milionësh, ku ende jetojnë miqtë e saj të fëmijërisë.

Nga modele në Zonjë e Parë në SHBA, profili i Melania Trump

“Ishte shumë njeri pozitiv. I pëlqente të lexonte. I pëlqente gjithashtu të stilonte, të bënte rroba të reja nga ato të vjetrat”, thotë Mirjana Jelançiç. shoqe fëmijërie e Melanias.

Ai pasion për t’u veshur bukur e ndihmoi të siguronte punën e parë si modele, përmes së cilës ajo erdhi në Shtetet e Bashkuara.

“Është e para Zonjë e Parë imigrante që pas gruas së Presidentit John Quincy Adams, Louisa në shekullin e 19-të”, thotë gazetarja e revistës People, Michelle Tauber.

Melania dhe presidenti Donald Trump me një diferencë prej 24 vjetësh, u takuan në një festë dhe u martuan në vitin 2005.

Barron Trump lindi një vit më pas dhe është djali në moshë më të vogël i një presidenti, pas atij të presidentit Kennedy, John F. Kennedy, Junior, në vitin 1963.

“Ajo është një mama e mrekullueshme dhe e do shumë djalin e saj,Barron”, thotë Presidenti Donald Trump.

Nga modele në Zonjë e Parë në SHBA, profili i Melania Trump

“Atij i pëlqen shkolla dhe sporti. Është atlet i zoti. Dhe dua ta ruaj nga vëmendja e tepruar tani për tani”, thotë Melania për të birin.

Ajo vetë i shmanget syrit të publikut, përveç ndonjë paraqitjeje për kauzat të saj.

Fushata e saj “BE BEST” është e përqendruar tek mirëqenia e fëmijëve. Në korrik ajo shpërndau ushqime në një qendër për nënat e pastreha. Fushata e saj është gjithashtu kundër bulizmit në mediat sociale.

“Teknologjia u mundëson njerëzve një mburojë digjitale për t’u fshehur dhe anonimiteti shpesh zëvendëson kujdesin dhe përgjegjësinë, që mund t’i bëjë edhe fëmijët dhe të rriturit të jenë më të guximshëm për të qenë të egër”, shprehet Melania.

Nga modele në Zonjë e Parë në SHBA, profili i Melania Trump

Ajo nuk ka folur publikisht për mesazhet e të shoqit në Twitter, që shpesh i trajton ashpër kundërshtarët. Kur ai u tall me veprimtaren ambientaliste, Greta Thunberg, zyra e saj nxorri një deklaratë ku thuhej: “Nuk është sekret që Presidenti dhe Zonja e Parë, shpesh komunikojnë ndryshe, si shumë çifte”.

Ndonjëherë ajo vetë është vënë në shënjestër. Kur Presidenti Trump fitoi zgjedhjet, sllovenët vendosën një statujë për nder të saj, me veshjen e ditës së inaugurimit.

Por më 4 korrik të këtij viti, dita e Pavarësisë amerikane, vandalët i vunë zjarrin dhe statuja u hoq.

Nga modele në Zonjë e Parë në SHBA, profili i Melania Trump

“Është një detyrë shumë e vështirë. Është më e lehtë për zonjat e para që kanë luajtur një rol të ngjashëm më pare, por për dikë që nuk ka qenë kurrë më parë në qeveri, është një punë e vështirë”, është shprehur analistja Cokie Roberts, e cila nuk jeton më.

Melania Trump është katolike, e para Zonjë e Parë katolike, që pas Jacqueline Kennedy. Është e vetmja Zonjë e Parë që flet pesë gjuhë të huaja.

“Është nder për mua dhe një kënaqësi e madhe që jam këtu para jush, si Zonja e Parë e Shteteve të Bashkuara”, tha ajo në një rast.

Megjithëse ajo i ka kaluar katër vitet e fundit kryesisht larg kamerave, ekspertët thonë se Melania Trump do të jetë më shumë e pranishme publikisht, ndërsa përpiqet të jetë zonjë e parë edhe për një mandat tjetër. /VOA

Nga modele në Zonjë e Parë në SHBA, profili i Melania Trump

Nga modele në Zonjë e Parë në SHBA, profili i Melania Trump

Nga modele në Zonjë e Parë në SHBA, profili i Melania Trump

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore