Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Ndizen tensionet/ Kina dërgon 13 aeroplanë luftarakë dhe shkel hapësirën ajrore , Tajvani i drejton raketat

E Diel 24 Janar 2021, 13:03 Gazeta Shqip

Ndizen tensionet/ Kina dërgon 13 aeroplanë luftarakë dhe shkel

Tensionet mes Kinës dhe Tajvanit janë përkeqësuar ndjeshëm pas betimit të Joe Biden si president i SHBA.

Kina mësohet se ka shkelur hapësirën ajrore të Tajvanit, duke dërguar 13 aeroplanë ushtarakë.

Në kundërpërgjigje, Tajvani mësohet se bëri gati raketat, teksa monitoronte avionët luftarakë të Kinës.

Ministria e Mbrojtjes e Tajvanit tha se “Kina të shtunën dërgoi tetë avionë bombardues të aftë për të mbajtur armë bërthamore dhe katër avionë luftarakë në hapësirën ajrore në jugperëndim të ishullit, me synim presionin mbi qeverinë ”.

Në të kaluarën Kina ka thënë se ka kryer ushtrime për të mbrojtur sovranitetin dhe sigurinë e vendit.

Reagimi i SHBA

Shtetet e Bashkuara të Amerikës kanë rikonfirmuar mbështetjen për Tajvanin pak pasi Kina dërgoi atje disa aeroplanë luftarakë.

DASH tha përmes një reagimi se “vëren më shqetësim modelin e përpjekjeve të vazhdueshme (të Kinës) për të frikësuar fqinjët e saj, përfshirë Tajvanin”.

“Ne e nxisim Pekinin të ndërpresë presionin e tij ushtarak, diplomatik dhe ekonomik kundër Tajvanit dhe në vend të kësaj të angazhohet në një dialog domethënës me përfaqësuesit e Tajvanit të zgjedhur në mënyrë demokratike,” u shpreh përmes një komunikate zëdhënësi Ned Price./ Gazeta SHQIP

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore