Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Mori rrogën e një muaji 286 herë/ Burri jep dorëheqjen dhe zhduket, kompania e pret të kthejë paratë

E Shtunë 2 Korrik 2022, 15:06 Gazeta Shqip

Mori rrogën e një muaji 286 herë/ Burri jep dorëheqjen dhe

Një burrë nga Kili që iu paguan 200 herë më shumë se rroga e tij, ka dhënë dorëheqjen dhe është zhdukur, megjithse kishte pranuar të kthente paratë, sipas raportimeve nga vendi.

Punonjësi i paemëruar publikisht, ishte ndjerë sikur kishte fituar llotarinë pasi u pagua 286 rroga nga punëdhënësit e tij, një kompani mishi e quajtur Cial, shkruanin mediat kilene.

Pas marrjes së rrogës së tij ku gabimisht u pagua një total prej 65,398,851 peso kilene ($170 000), në vend të rrogës së zakonshme prej 500,000 pesos ($500) ai u zhduk.

E përditshmja vendase ‘Diario Financiero’, shkruante se kur drejtuesit vunë re gabimin, punonjësi u kontaktua menjëherë për t’i kërkuar të kthente shumën e madhe.

Dhe normalisht ai kishte premtuar të shkonte në bankë mëngjesin e nesërm për të kthyer paratë. Por në një kthesë të papritur të ngjarjeve, ai nuk u pa në punë të nesërmen. Drejtuesit e shtangur tentuan të kontaktonin, por pa sukses. Ironikisht disa ditë më vonë, dikush tjetër dorëzoi një letër dorëheqjeje për llogari të të kërkuarit, i cili nuk është parë më prej atëherë.

Kompania e mishit tashmë po kërkon ndihmë ligjore për rekuperimin e parave, për të cilat ende nuk shihet asnjë gjurmë e dukshme.

Në mënyrë të ngjashme në maj, një burrë në Japoni që kishte përfituar në celularin e tij të gjithë fondin e ndihmës mjekësore të qytetit  ¥46.3 milionë (€338,580), kishte pranuar se e humbi në bixhoz në celularin e tij brenda dy javëve. Sipas gazetës vendase SoraNews24, gabimi kishte ndodhur pasi emri i tij ishte në majë të listës së informacionit që i dërgohej bankës, e cila besonte se po ia dërgonte bashkisë së qytetit.

24-vjeçari nga qyteza e Abu në perëndim të Japonisë kishte shpenzuar të gjitha paratë në kazinotë në rrjet por u zotua se do të paguante paratë “pak nga pak”, shkruan britanikja Mirror.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore