Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

“Më digjte me kryq...”/ Rrëfimi tronditës i të riut: Prifti më thoshte ke demonë, më mori paratë dhe...

“Më digjte me kryq...”/ Rrëfimi tronditës i të

Një rast tronditës dhunë dhe shfrytëzimi psikologjik është bërë publik në Greqi, ku protagonist është një 23-vjeçar dhe një prift.

Ngjarja e rëndë ka ndodhur në Trikala, ku i riu e akuzon priftin për tortura dhe shantazh psikologjik.

I riu duke folur për mediat vendase, ka deklaruar se gjithçka ka nisur pasi nëna e tij dhe ai u njohën me priftin pasi ky i fundit, u premtoi mbështetje financiare në formë bamirësie, për të kaluar gjendje ne vështirë financiare në të cilën ata gjendeshin.

Djali më pas shprehet se pasi nëna e tij nderoi jetë, ai shkoi të jetonte me familje ne priftit, ku nisi dhe tortura.

 “Me priftin njihemi prej vitesh. Më dërgoi mesazh për të pirë kafe, e takoi edhe nëna ime, jemi shoqëruar herë pas here. Gjatë gjithë kësaj kohe nuk patëm asnjë ndihmë financiare prej tij. Menjëherë pas vdekjes së nënës sime shkova për të jetuar me familjen e tij dhe bashkëshortja e tij hiqej sikur më mbështeste. Kështu filloi shfrytëzimi dhe lufta psikologjike. Më mori kartën e KEA-s, duke më thënë se do të paguajë një pjesë të shpenzimeve të tij, si detyrim që më mbështet.

‘Nëse unë të lë, nuk do të kesh askënd. Nuk ka kush të të dojë dhe të të mbrojë’, tha ai. Më bëri të grindem me të afërmit dhe më largoi nga të gjithë”- tregoi 23-vjeçari.

Nga ana tjetër, sipas djalit, prifti kishte hapur dhe një llogari, në të cilën do të depozitoheshin fonde të mbledhura me justifikimin për të ndihmuar djalin, por këto para ai nuk i ka marrë kurrë.

“Nuk më ka thënë asnjëherë për shumat e mbledhura. E mora vesh nga policia. Më dha vetëm 150 euro dhe mora një palë këpucë. Ai mashtroi kaq shumë njerëz”- deklaroi ai.

Njëkohësisht, i riu, pasi ka treguar se i vjen turp për gjithçka ka ndodhur, dhe u kërkon falje të gjithë viktimave të paditur që ranë në grackën e priftit, ndërsa theksoi se edhe ai vetë është viktimë.

Në të njëjtën kohë, 23-vjeçari pohon se “prifti mendonte se kisha një demon sepse kisha një tatuazh dhe ai më digjte lëkurën me kryq. Më tha që do ta heqësh tatuazhin se me një person të Kishës si unë nuk mund ta kesh, je si vagabond”.

Pas asaj që ka kaluar dhe dëmit të madh që i ka bërë 23-vjeçari pohon se avokati i tij e kishte kontaktuar me qëllim që ta bindte të riun që të mbronte priftin, duke u shprehur se gjithçka ka bërë për të mirën e tij.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore