Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

“Mbi 12 mijë shqiptarë me gomone…”, BBC: Franca rrit patrullimin për parandalimin e emigrantëve në La Manche

“Mbi 12 mijë shqiptarë me gomone…”, BBC: Franca

Franca thotë se po rrit numrin e anijeve të shpëtimit në Kanalin Anglez për t’u marrë me numrin në rritje të emigrantëve që përpiqen të arrijnë në Mbretërinë e Bashkuar, raporton BBC.

Dy anije të tjera janë duke u vendosur në atë që roja bregdetare franceze e përshkruan si një lëvizje “të paprecedentë”.

Kjo vjen pas kritikave ndaj reagimit francez ndaj incidentit në nëntor 2021, në të cilin 27 persona u mbytën duke u përpjekur të shkonin në Mbretërinë e Bashkuar me gomone.

Më shumë se 40,000 njerëz kanë bërë kalime të tilla këtë vit – një numër rekord.

Muajin e kaluar, Mbretëria e Bashkuar ra dakord të rrisë pagesat për Francën me 8 milion paund më shumë në vit, duke e cuar në 63 milion £ në përpjekje për të ndaluar kalimet në kanal me varka të vogla.

Paratë do të paguajnë për mbikëqyrjen e shtuar të plazheve franceze, ndërsa oficerët e policisë në Mbretërinë e Bashkuar do të jenë gjithashtu në gjendje të vëzhgojnë patrullimet brenda Francës.

Mendohet se oficerët francezë që patrullojnë bregdetin do të rriten në numër nga rreth 250 në 350 gjatë pesë muajve.

Numri më i madh i emigrantëve që kalojnë këtë vit Kanalin (i njohur si La Manche në Francë) janë shtetas shqiptarë. Deri më tani këtë vit 12,000 shqiptarë kanë mbërritur në Britaninë e Madhe duke përdorur varka të vogla, krahasuar me vetëm 50 në vitin 2020”, shkruan BBC.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore