Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Kriza energjetike dhe e karburanteve/ Franca jep 100 euro ndihmë për 3,8 milionë francezë

Kriza energjetike dhe e karburanteve/ Franca jep 100 euro ndihmë për

Shteti francez vihet në ndihmë të qytetarëve që po vuajnë rritjen e çmimit të energjisë dhe karburantit. Qeveria njoftoi një ndihmë prej 100 eurosh për çdo shtetas, të ardhurat mujore të të cilit janë 2 mijë euro ose më pak.

“Asistenca e inflacionit” do të shkojë automatikisht për 38 milionë francezë, përfshirë ata që nuk ngasin një makinë apo motoçikletë.

“Konsiderojmë se kjo rritje e çmimeve dhe ky inflaicon do të jetë i përkohshëm. Nuk mund t’ua them se deri kur do të zgjasë, por do të jetë i përkohshëm. Është e pashmangshme dhe po ndodh, prandaj nuk mund ta pengojmë këtë rimëkëmbje”, u shpreh kryeministri francez, Jean Castex.

Çeku i parë do të shkojë për punonjësit e biznesit në fund të dhjetorit. Nëpunësit civilë, studentët dhe pensionistët do ta marrin atë në fillim të 2022. Megjithatë, për qytetarët, 100 euro nuk është ndonjë ndihmë e madhe.

“Mendoj se është e padobishme dhe jo mjaftueshëm. Është për të ardhur turp, pasi ata duhet të gjejnë një zgjidhje reale dhe jo të japin lëmoshë.”

“Shumica e francezëve kanë kërkuar çdo vit për një rritje të pagës minimale, që të mbulojë dhe inflacionin, por në fund, mund ta shikoni qartë se me 1250 euro, nuk jeton mirë, vetëm mbijeton. Kështu që kjo nuk ndryshon asgjë”, thotë një student.

“Iniciativa është e mirë dhe e ndjerë, por është një pikë uji në oqean”, shprehet një udhëtare.

Asistenca prej 100 eurosh nuk do të taksohet dhe do t’i kushtojë qeverisë franceze 3.8 miliardë euro.

Denonco

Keni informacion në interes të publikut? Dërgojeni në Shqip duke klikuar këtu.

 
Poll

Aktualitet

Ndiqni të gjitha lajmet e fundit
në rrjetet tona shoqërore